Hosea 10:14 - Digo Bible

¹⁴ Kpwa hivyo kundagbwa viha kahi ya atuo, ngome zenu zindabomolwa dza viratu mfalume Shalimani arivyobananga mudzi wa Bethi-Aribeli wakati wa viha, ambapho achetu na ana ao abundwa na photsi.

Hosea 10:14 Referans Kwoze

Hosea 13:16

Atu a Samariya andatiywa adabu kpwa ajili ya makosa gao, kpwa sababu amuasi Mlungu wao. Aho andaolagbwa na upanga ana aho atsanga andakatwa-katwa vipande-vipande na achetu aho enye mimba andaahulwa.

Habakuki 1:10

Aho nkuafyorera afalume na kunyetera vilongozi ao. Midzi yosi yenye ngome nkuitseka, na akaidzengera tsulu za mitsanga akaiteka.

Nahumu 3:12

Ngome zenu zindakala dza mitini iriyo na matunda ga kpwandza ga kuivwa ndiphozuguzwa tu zindagbwa kanwani mwa azuguzaye.

Nahumu 3:10

Ela gago tagayaokola chitu. Thebesi yatekpwa na atue achitsamizwa kpwa lazima. Ana aho atsanga abundwa na photsi, phenye mawe hadi achifwa kpwenye maganiko ga nyo mudzi. Vilongozi a nyo mudzi afungbwa silisili, na go maadui gao achiaganya kpwa kuapigira kura.

Amosi 9:5

Mwenyezi Mlungu, Mlungu wa majeshi, iye agutaye tsi nayo ikasumba, na osi asagalao mumo akarira, tsi yosi ikaunuka dza muho Naili, chisha ikapwaya tsona dza muho wa Misiri;

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Jeremia 48:41

Midziye indahalwa mateka na ngomeze zindainjirwa. Siku iyo mioyo ya masujaa a Moabu indakala dza ya mchetu ariye na utsungu wa uvyazi.

Isaya 33:14

Enye dambi ario mwango Sayuni anakakama kpwa wuoga, nao anauza, “Hundasagaladze phatu pharipho na moho mkali, moho usioricha kuaka?”

Isaya 17:3

Mudzi wa Efuraimu uriozungulusirwa ngome undaangamizwa, phamwenga na nguma ya ufalume wa Damasikasi; na Aaramu ariosala andasiswa dza irivyosiswa nguma ya Iziraeli.” Mwenyezi Mlungu, Mlungu wa majeshi anaamba.

2 Afalume 18:33

Kuna yeyesi kahi ya milungu ya mataifa ganjina ariyeokola tsiiye kula mikononi mwa mfalume wa Ashuru?

2 Afalume 17:16

Arema malagizo gosi ga Mwenyezi Mlungu, Mlungu wao. Atengeza vizuka vya milungu ya ana ngʼombe airi a madini ga kuyayushwa, achitengeza vizuka vya Ashera, achiabudu vitu vyosi virivyo mlunguni na achimuhumikira Baali.

Mwandzo 32:11

Nakuvoya unitivye na uyi wa mwenehu Esau, mana naogopha asedze akahupiga na kuhuangamiza hosi, hata anache na nine zao.

Jeremia 13:14

Nami ndaafyakatsira enye kpwa enye, ano baba na ana ao. Mwenyezi Mlungu anaamba, Sindaaonera mbazi, sindaaricha wala kuaonera huruma chiasi cha kukala nisiaolage.” ’ ”

2 Afalume 17:3

Mfalume Shalimanesa wa Ashuru wakpwendamvamia, naye Hoshea achidziika tsini ya utawala wa mfalume wa Ashuru na achimripha kodi.

Hosea 10:15

Mwimwi atu a Betheli namwi mundahenderwa dza vivyo, kpwa sababu ya uyi wenu munji. Siku ya yo hukumu ichifika, mfalume wa Iziraeli andaolagbwa.”

Amosi 3:14

Yo siku ndiyotiya adabu Aiziraeli kpwa makosa gao, ndabomola mwatu mwa kulavira sadaka mwa Betheli. Na zo pembe za phatu pha kulavira sadaka zindakatwa zigbwe photsi.

Mika 5:11

Nindabananga tsetsetse midzi ya tsiiyo na kubomola ngomezo zosi.