Habakuki 3:2 - Digo Bible

² Mwenyezi Mlungu nkasikira ngumayo, nami naogopha mahendogo. Gahende luphya uhu wakati wehu na gamanyikane siku zehu, usiyale kuhuonera mbazi hata ichikala ukahutsukirirwa.

Habakuki 3:2 Referans Kwoze

Zaburi 85:6

Dze, kundahutiya nguvu tsona ili swiswi atuo, huhamirwe ni uwe?

Sonono za Jeremia 3:32

Dzagbwe nkureha sonono, ela nkuonyesa mbazi, kulengana na mendzwaye nyinji isiyosika.

Habakuki 3:16

Niriphosikira, naahukpwa ni roho, madomo gangu gachikakama kpwa hinyo msindo. Mwiri wangu uchirejera, magulu gangu gachigbwirwa ni mchecheta. Ela nindahurira nigodze kpwa kuvumirira iyo siku ya mashaka ambayo indaedzera hara anaohuvamia.

Afilipi 1:6

Mlungu waandza kazi nono mwenu mioyoni. Nami nina hakika andaenderera nayo hadi Jesu Muokoli achiuya akale akaimala kabisa.

Jeremia 10:24

Nirekebisha, ee Mwenyezi Mlungu, henda vivyo kpwa haki, usihende na tsukizi sedze ukaniangamiza.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Isaya 54:8

Kpwa tsukizi nyinji nakufwitsa uso wangu kpwa muda mfupi, ela kpwa mendzwa ya kare na kare, nindakuonera mbazi,” Mwenyezi Mlungu mkombolio aambavyo.

Zaburi 119:120

Nakakama kpwa kukuogopha uwe, naogopha uamulio.

Johana 10:10

Muivi nkpwedzaiya, kuolaga na kubananga. Ela mino nákpwedza ili atu aphahe uzima, tsona akale na uzima kpweli-kpweli.

Zaburi 44:1

Hukasikira na masikiro gehu, ee Mlungu, akare ehu ahusemurira mambo urigohenda wakati wao, pho kare.

Zakariya 1:12

Ndipho ye malaika wa Mwenyezi Mlungu achiamba, “Ee Mwenyezi Mlungu, Mlungu wa majeshi undaonera mbazi rini mudzi wa Jerusalemu na midzi ya Juda? Mana ukaitsukirirwa kpwa muda wa miaka mirongo sabaa.”

Jeremia 29:10

Mwenyezi Mlungu anaamba, “Miaka mirongo sabaa ichisira kuko Babeli, nindakpwedza nitimize nrigolaga na nikuuyizeni phapha.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Zaburi 38:1

Ee Mwenyezi Mlungu usinidemurire kuno ukareya usinitiye adabu kuno ukatsukirwa!

Ezira 9:8

“Ela vivi, Mwenyezi Mlungu, Mlungu wehu, ukahuonera mbazi kpwa uhu muda mfupi, nawe ukahusaza na kuhupha usalama kahi za phatupho phatakatifu. Ukahupha tumaini na kuhuoyeza utumwa wehu.

Maono 15:4

Bwana Mlungu, ni ani asiyekuogopha na kutogola dzinaro? Uwe macheyo ndiwe mtakatifu, na atu a mataifa ganjina gosi andakpwedza kpwako kukuabudu, mana mahendogo ga haki ganaonekana wazi.”

Arumi 10:16

Ela sio Aiziraeli osi ariokubali hizo habari nono kuhusu Jesu. Mana nabii Isaya waamba, “Mwenyezi Mlungu, ni ani ariyeamini ujumbe wehu?”

Danieli 9:2

mimi Danieli kala nasoma vitabu vitakatifu, nami nchielewa neno ambaro Mwenyezi Mlungu wamuambira nabii Jeremia kukala Jerusalemu indakala wekee bila atu kpwa miaka mirongo sabaa.

Isaya 53:1

Ni ani ariyeamini ujumbe hurioureha? Ni ani ariyeonyeswa nguvu za Mwenyezi Mlungu?

Zaburi 78:38

Hata hivyo kpwa kukala iye ni wa mbazi, waaswamehe uyi wao, wala kayaangamiza, wazuwiya tsukizize hipha na hipha, wala kayadziricha apandwe ni asira.

Aeburania 11:7

Kpwa kukuluphira, Nuhu wamphundza Mlungu ariphoonywa kuhusu mambo ambago gandahendeka badaye. Wamuogopha Mlungu achidzenga safina na kpwa kuhenda hivyo, atu a nyumbaye ativywa na atu a dunia achihukumiwa. Na kpwa sababu ya kuluphirore, naye Nuhu achikubaliwa ni Mlungu kukala ni mutu wa haki.

Danieli 8:17

Ariphokala anasengera pho nriphokala niimire, naogopha, nchidzibwaga chimabumabu. Ela iye achiniamba, “Mwanadamu, elewa kukala yo ruwiya ni ya wakati wa mwisho.”

Aeburania 12:21

Mambo higo kala ganatisha sana, hata Musa mwenye achiamba, “Nikatishirwa hata nakakama kpwa wuoga.”

Ayubu 42:5

Mimi kala nkakusikira tu, ela vivi nkakuona na matso gangu.

Zaburi 71:20

Uwe uchiyenihenda nitsupire mashaka manji makulu undanitiya nguvu tsona. Undanituluza vivwa vya duniani unirehe dzulu tsona.

Jeremia 10:7

Ni ani asiyekuogopha, ee Mfalume wa mataifa ganjina? Ihi ni hakiyo, mana kahi ya atu a ikima a mataifa na kpwenye utawala wao takuna dza uwe.

Jeremia 46:28

Usiogophe, uwe Jakobo mtumishi wangu, mimi Mwenyezi Mlungu nkaamba, mana ni phamwenga nawe. Nindaangamiza mataifa ganjina gosi tsetsetse kosi ambako nakuphirika, ela uwe sindakuangamiza. Ndakutiya adabu chidide tu, sindakuricha bila kukutiya adabu.”

Habakuki 3:1

Higa ni mavoyo ga nabii Habakuki.

Zaburi 25:6

Tambukira mbazizo, uwe Mwenyezi Mlungu na mendzwayo isiyosika ambayo wahuonyesa hangu kare.