Habakuki 3:16 - Digo Bible

¹⁶ Niriphosikira, naahukpwa ni roho, madomo gangu gachikakama kpwa hinyo msindo. Mwiri wangu uchirejera, magulu gangu gachigbwirwa ni mchecheta. Ela nindahurira nigodze kpwa kuvumirira iyo siku ya mashaka ambayo indaedzera hara anaohuvamia.

Habakuki 3:16 Referans Kwoze

Jeremia 23:9

Kuhusu nyo manabii, Nikavundzika moyo, mifupha yangu inakakama; ni dza mlevi dza mutu achiyelewa chapa, kpwa sababu ya Mwenyezi Mlungu na kpwa sababu ya nenore ni takatifu.

Habakuki 3:2

Mwenyezi Mlungu nkasikira ngumayo, nami naogopha mahendogo. Gahende luphya uhu wakati wehu na gamanyikane siku zehu, usiyale kuhuonera mbazi hata ichikala ukahutsukirirwa.

Danieli 10:8

Kpwa hivyo nasala machiyangu kuona yo ruwiya ya kuangalaza, nguvu zanisirira, uso uchigaluka na nchikala mnyonje.

Zaburi 119:120

Nakakama kpwa kukuogopha uwe, naogopha uamulio.

Zaburi 91:15

Achiniiha, nami nindamuihikira, achikala tabuni, nindakala phamwenga naye, nindamuokola, naye andaishimiwa.

Danieli 8:27

Mimi Danieli, naremwa na nchikala mkpwongo kpwa siku fulani. Niriphophola, nauya nchendaenderera na shuuli za mfalume, ela yo ruwiya ichikala ikaniangalaza, nami siimanyire manaye.

Ezekieli 3:14

Phahi ye Roho waniunula na achiniusa, nami náphiya kuno nina utsungu na nkatsukirwa mwangu moyoni; ela Mwenyezi Mlungu kala akanigbwira kpwa nguvu.

Luka 21:19

Mchivumirira, mundaokola roho zenu.”

Ayubu 30:17

Usiku mifupha yangu inatsanga, na sonono niisikirayo taisira.

Ayubu 30:30

Ngozi yangu inakala nyiru na inayuka, na mwiri wangu unaphya na dzoho ra homa.

Misemo 12:4

Mchetu wa tabiya nono nkurehera mlumewe ishima, ela mchetu arehaye waibu ni dza kuola misozani mwa mlumewe.

Misemo 14:30

Moyo wa amani, nkumupha mutu uzima, ela chidzitso chinaihenda mifupha ya mwiri iole.

Jeremia 4:19

Naawiwa, naawiwa, nagalagala kpwa sonono. Ee nina utsungu wa moyo! Moyo wangu unagungunda sana, siweza kunyamala, mana nasikira sauti ya gunda, dalili ya viha.

Jeremia 5:15

Lola, ndareha taifa kula kure chinyume chenu, mwi atu a Iziraeli, mimi Mwenyezi Mlungu nkaamba. Ni taifa ambaro tarishindika, ni taifa ra kare taifa ambaro lugaye tamuimanya, wala kuelewa agombago.

Sonono za Jeremia 1:13

Iye wahuma mwangu mifuphani moho kula dzulu, nao unaniocha. Wahandika nyavu anigbwire magulu, aniuyize nyuma. Waniricha machiyangu, mnyonje siku yosi.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Jeremia 30:7

Wee! Siku iyo ni ya kutisha sana takuna dza iyo undakala wakati wa kuteseka kpwa Jakobo, ela andativywa na gago.”

Sonono za Jeremia 1:20

Lola, ee Mwenyezi Mlungu, mana nagaya, roho yangu ikachafuka, nao moyo wangu ukayugika kpwa sababu nkakala muasi sana. Ko kondze upanga unaolaga atu, na mo nyumbani namo munafwewa.

Danieli 10:9

Niriphosikira sautiye, nádzibwaga photsi chimabumabu, nchigbwirwa ni usingizi wa fungo.