Habakuki 2:16 - Digo Bible

¹⁶ Undaphaha waibu badala ya nguma. Ni zumaro kunwa cho chikombe na uonyese chitsahacho. Chikombe chiricho mkpwono wa kulume wa Mwenyezi Mlungu chikakufikira nawe undaphaha waibu badala ya nguma.

Habakuki 2:16 Referans Kwoze

Isaya 47:3

Undavulwa nguwo urichwe chitsaha mbere za atu, nawe undatiywa waibu. Ndakuriphiza chisasi na sindamuonera mbazi mutu hata mmwenga.”

Maono 18:6

Vivyo arivyoahendera anjina, namwi muhendereni vivyo. Tsona naahenderwe kano mbiri ya gara mai arigoahendera anjina. Halani cho chikombeche mumtiire kano mbiri ya nyo ukali ariokutiyani.

Afilipi 3:19

Analongozwa ni tamaa mbii za miri yao, na kudzikarya na mambo ga waibu ahendago. Kazi yao ni kuaza mambo ga himu duniani bahi. Mwisho wao ni mohoni.

Hosea 7:5

Siku ya sikukuu ya mfalume wehu vilongozi nkunwa uchi wa zabibu hata akakala akalewa, mfalume achinwa phamwenga na atu enye matani.

Hosea 4:7

Alavyadzi-sadaka arivyokala anaenjerezeka, ndivyo arivyoenderera kunihendera dambi. Nami ndabadilisha ishima yao nono na waibu.

Sonono za Jeremia 4:21

Mwimwi atu a Edomu na Usi; hererwa na kupiga njerejere! Ela manyani kukala cho chikombe chindafika ko kpwenu, namwi mundalewa hadi mvule nguwo zenu, mkale chitsaha.

Jeremia 51:57

Nindaalewesa vilongozie na atue enye ikima, maliwalie, akulue a jeshi na anajeshie; andalala tsetsetse na taandalamuka, mfalume anaamba, ambaye dzinare ni Mwenyezi Mlungu, Mlungu wa majeshi.”

Jeremia 25:15

Phahi higa ndigo Mwenyezi Mlungu, Mlungu wa Iziraeli arigoniambira, “Hala chichi chikombe cha uchi wa tsukizi, ukaaphe nyo atu a mataifa ganjina gosi ambago nkakuhuma uphiye, ukaaphe anwe.

Isaya 49:26

Na aho anaokuonera andarya nyama zao enye, na andanwa milatso yao enye, alewe dza mutu aleweswavyo ni uchi. Chisha anadamu osi andamanya kukala mimi Mwenyezi Mlungu ni Muokolio, na mkombolio ni Mwenye Nguvu Zosi wa Jakobo.”

Isaya 20:4

ndivyo mfalume wa Ashuru ndivyolongoza mateka a Misiri na Kushi, avyere kpwa adide. Mateka hinyo andaphiya chitsaha tsona bila virahu. Mahako gao gandakala wazi, dzambo ra waibu kabisa kpwa Misiri.

Misemo 3:35

Enye ikima andavuna ishima, ela azuzu andaifiwa.

Zaburi 75:8

Mwenyezi Mlungu akagbwira chikombe mkpwononi chi tele uchi mufu ufurikao fulo, uchiotsanganywa na vilungo, ambao ni tsukizi za Mlungu andaamwagira atu ayi na osi andaunwa, ee, andaunwa hadi tone ra mwisho.

Jeremia 25:17

Phahi náphokera cho chikombe nrichohewa ni Mwenyezi Mlungu na nchianwesa nyo atu a mataifa ganjina nrigohumwa.

Jeremia 51:7

Babeli kala ni chikombe cha zahabu mkpwononi mwa Mwenyezi Mlungu, chohenda atu a dunia alewe. Mataifa ganjina ganwa uchiwe wa zabibu, kpwa hivyo gachigbwirwa ni koma.

Ezekieli 23:33

Undalewa sana na kusononeka, chikombe cha wuoga na uweche, chikombe cha nduguyo mchetu Samariya.

Habakuki 2:10

Kpwa sababu ya kuolaga atu anji wairehera nyumbayo waibu na uchidzirehera mwenye maangamizi.

Habakuki 2:15

Shauriye hiye amuhendaye myawe alewe kpwa kumkota uchi ili aphahe kumuona chitsaha.