Ezekieli 8:6 - Digo Bible

⁶ Phahi waniamba, “Mwanadamu, unaona go mambo ga kutsukiza ahendago atu a Iziraeli? Mambo ndigonihenda niphiye kure na phatu phangu phatakatifu. Ela undaona mambo ga kutsukiza zaidi ya higa.”

Ezekieli 8:6 Referans Kwoze

Ezekieli 5:11

Kpwa sababu hiyo, Mwenyezi Mlungu anaamba kpwa kpweli dza niishivyo, nindakuangamiza wala sindakuonera mbazi, kpwa kukala ukanajisi phatu phangu phatakatifu na vituvyo vya kutsukiza na mahendogo ga kutsukiza.

Ezekieli 10:19

Niriphokala nalola, makerubi gaandzula mapha gao gachiuruka hewani phamwenga na magurudumo gao kanda-kanda yao. Gachendaima ryango ra mlairo wa dzuwa wa nyumba ya kuvoya Mwenyezi Mlungu na utukufu wa Mlungu wa Iziraeli uchikala u dzulu yao.

Ezekieli 8:9

Naye achiniamba, “Injira ndani ukaone nyo uyi na mambo ga kutsukiza gahendwago hipha.”

Ezekieli 11:22

Phahi gara makerubi gaandzula mapha gao gachiuruka, nago magurudumo kanda-kandaye na nyo utukufu wa Mlungu wa Iziraeli kala u dzulu yao.

Ezekieli 8:14

Ndipho achinireha hadi phatu pha kumenyera ryango ra vurini ra yo nyumba ya Mwenyezi Mlungu na phapho nchiona achetu anarira kpwa sababu mlungu aihwaye Tamuzi kala akafwa.

Jeremia 32:34

Aho nkuika vizuka vya kutsukiza ndani ya nyumba ninamoabudiwa, na kuitiya najisi.

Jeremia 26:6

phahi ndahenda nyumba ihi dza Shilo na kuuhenda mudzi uhu uhendwe ndzimo ya kulanira ni mataifa ganjina gosi ga dunia ndzima.’ ”

Jeremia 23:11

“Manabii na alavyadzi-sadaka osi taamuogopha Mlungu, nami nkaaona anahenda uyi mwangu nyumbani, mimi Mwenyezi Mlungu nkaamba.

Jeremia 7:30

“Mana atu a Juda akahenda mai matsoni phangu, mimi Mwenyezi Mlungu nkaamba. Aho akaika miyo ya kutsukiza ndani ya nyumba yiihwayo na dzina rangu, na kuihenda najisi.

Jeremia 7:17

Kpwani kuona go ahendago kpwenye yo midzi ya Juda na mo njira za Jerusalemu?

Jeremia 3:6

Wakati wa mfalume Josiya, Mwenyezi Mlungu waniamba, “Dze ukaona go arigohenda ye Iziraeli asiye muaminifu? Iye wazinga kpwenye chila chidzango chire na tsini ya chila muhi mkpwulu?

Misemo 5:14

Pho vino nikabanangikirwa, na nkadzitiya waibu mbere za atu.”

Zaburi 78:60

Waricha makaloge hiko Shilo, hema ambamo wasagala kahi za atu.

Jeremia 11:18

Mwenyezi Mlungu wanifwenurira nami nchimanya, wanionyesa mai arigokala ananipangira.

Ezekieli 8:7

Badaye wanireha phenye ryango ra nyo muhala, na nchiona tundu pho ukutani.

Ezekieli 14:6

“Kpwa hivyo aambire atu a Iziraeli, Mwenyezi Mlungu anaamba, ‘Tubuni chisha mriche vyo vizuka vyenu na go mahendo genu ga kutsukiza.

Ezekieli 18:12

Piya nkuonera achiya na agayi na nkufuta atu mali zao kpwa nguvu. Nkukala kauyiza choikpwa mzamana ni myawe, nkuabudu vizuka, nkuhenda mambo ga kutsukiza,

Ezekieli 47:6

Achiniamba, “Mwanadamu, ukagaona gano?” Chisha achiniuyiza na ko kanda-kanda ya nyo muho.

Hosea 5:6

Andamuendza Mwenyezi Mlungu kpwa kumlavira sadaka za mifugo yao ya mangʼondzi na ngʼombe, ela taandamuona mana iye akaaricha.

2 Nyakati 29:5

Chisha waambira, “Niphundzani mwino Alawi, phasambi dzitakaseni nafsi zenu, tsona mtakase nyumba ya Mwenyezi Mlungu, Mlungu wa akare enu. Chila chiricho najisi chituluzeni kula phatu phatakatifu.

Ezekieli 8:13

Tsona achiniamba, “Undaona mambo makulu ga kutsukiza zaidi ambago aha anagahenda.”

Ezekieli 10:18

Chisha nyo utukufu wa Mwenyezi Mlungu wauka pho phenye chizingiti cha nyumba ya kuvoya Mlungu uchendaima dzulu ya makerubi.

Ezekieli 11:23

Nao nyo utukufu wa Mwenyezi Mlungu uchiambuka dzulu kula mo mudzini nao uchendaima dzulu ya mwango urio mlairo wa dzuwa wa nyo mudzi.

Ezekieli 43:8

Kpwa kuika chizingiti chao phephi na chizingiti changu na mimo ya miryango yao phephi na mimo ya mryango wangu na kutengbwa ni ukuta bahi. Aho kala ananajisi dzina rangu takatifu kpwa mahendo gao ga kutsukiza. Kpwa hivyo náangamiza kpwa tsukizi zangu.