Ezekieli 7:7 - Digo Bible

⁷ Mwi msagalao tsi hino, kuangamizwa kpwenu kukafika. Siku ikafika phephi, siyo siku ya kululu za kuhererwa ko myangoni, ela ni za fujo.

Ezekieli 7:7 Referans Kwoze

Ezekieli 12:28

Kpwa hivyo aambire, ‘Mwenyezi Mlungu anaamba: Takuna neno ndirocheleweshwa tsona, chila ndirogomba rindatimizwa. Mimi, Mwenyezi Mlungu nkaamba.’ ”

Ezekieli 7:12

Wakati hinyo uredza na siku ikafika phephi. Mguli naasihererwe kpwa kuphunguzirwa bei na aguzaye asisononeke kpwa kuphaha hasara, mana Mlungu akatsukirirwa atu osi.

Isaya 22:5

Siku iyo Mwenyezi Mlungu, Mlungu wa majeshi andareha tabu, kuvyogbwa-vyogbwa na fujo kahi za Dete ra Ruwiya. Siku iyo kuta zindabomolwa na atu andaririra myango iaterye.

Mwandzo 19:15

Kuriphokala kunangʼala-ngʼala, nyo malaika amuhimiza Lutu achimuamba, “Henda wangbwi uhale mcheo na anao, muuke, sedze mkafwa wakati mudzi unatiywa adabu.”

1 Petero 4:17

Wakati wa uamuli ukafika, na Mlungu andaandza na kuamula atue. Sambi ichikala uamuli undaandza na swiswi atue enye, dze nyo asiokubali neno ra Mlungu ela hukumu yao taindakala ya kutisha zaidi?

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Jeremia 20:7

Ee Mwenyezi Mlungu wanichenga, nami nchichengeka; uwe una nguvu kunishinda nawe ukaniturya. Atu anasinda dii kunitseka, chila mutu ananibera.

Isaya 17:14

Dziloni anahuogofyera ela kabila takudzangbwecha taapho tsona. Huno ndio mtalo wa atu anaohunyangʼanya, na kuhala vitu vyehu.

Isaya 13:22

Mafisi gandarira mo mwenye minara ya urindzi na makala kusagala mumo mwenye madzumba manono-manono ga chitajiri. Wakatiwe u phephi na sikuze tazindaenjerezwa.”

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Jeremia 50:27

Tsindzani ndzauze zosi, ziricheni zitserere chitsindzironi. Shaka hiro mana siku yao ikafika, wakati wao wa kutiywa adabu.”

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Ezekieli 30:3

Mana yo siku i phephi, yo siku ya Mwenyezi Mlungu i phephi. Indakala siku ya maingu, wakati wa atu a mataifa kuphaha tabu.

Joeli 1:15

Siku ya Mwenyezi Mlungu indakala ya kutisha nayo i phephi, nayo indakpwedza na ubanangi kula kpwa Mwenye Nguvu Zosi.