Ezekieli 47:11 - Digo Bible

¹¹ Ela madzi ga madimbwini tagandakala pepho, gandarichwa gakale ga munyu.

Ezekieli 47:11 Referans Kwoze

Kumbukumbu 29:23

tsi yosi ikakala litsapi ikabwiningizwa ni mawe ga moho wa chibiriti na munyu; takuna ndichophandwa hata nyasi tazindamera kuko. Tsi ikakala dza midzi ya Sodoma na Gomora, Adima na Seboimu ambazo Mwenyezi Mlungu waziangamiza wakati kala akatsukirwa sana.

Maono 22:11

Phahi mutu ahendaye mai, naenderere kuhenda mai, na ahendaye waibu naenderere kuhenda waibu. Tsona mutu ahendaye haki, naye naazidi kuhenda haki, na mutu ariye bila ya lawama, naazidi kukala bila ya lawama.”

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”

Jeremia 17:6

Iye andakala dza chidzihi ko jangbwani, iye kandaongokerwa bii. Mutu iye andaishi phatu pha litsapi ko weruni, kpwenye tsi ya munyu isiyosagala atu.

Zaburi 107:34

nkuhenda tsi yenye rutuba ikakala litsapi kpwa sababu ya uyi wa atu anaosagala mumo.

Aamuli 9:45

Siku ndzima Abimeleki wapigana na atu a nyo mudzi hadi mudzi achiuhala, na atue osi ariokala himo achiaolaga, mudzi achiubomola na achiumwagira-mwagira munyu.

Ezekieli 47:12

Na mo michechemoni mwa nyo muho mundamera mihi ya bazi nyinji ndiyovyala vyakurya. Makodzage tagandanyala na taindakosa kuvyala, ela indavyala matunda maphya chila mwezi kpwa sababu go madzige ganatuluka phatu phatakatifu. Matundage gandakala chakurya na makodzage gandakala dawa.”