Ezekieli 43:15 - Digo Bible

¹⁵ Na seemu ya dzulu ya phatu pha kulavira sadaka phandakala na chimo cha mita mbiri, napho phandakala na pembe ne kuphiya dzulu.

Ezekieli 43:15 Referans Kwoze

Kutsama 27:2

Undatengeza vihunde vine chivyotulukiza avi ni pembe kpwenye pembe ne za hipho phatu pha kulavira sadaka. Vihunde hivyo vyakutulukiza navikale chitu chimwenga na pho phatu pha kulavira sadaka. Uchimala, phosi phapake shaba.

Zaburi 118:27

Mwenyezi Mlungu ni Mlungu, akahungʼazira mwangawe. Gbwirani maphungo ga mihi mwenu mikononi mlongozane wakati wa sikukuu, mphiye phamwenga phenye pembe za phatu pha kulavira sadaka.

Alawi 9:9

Anae achimrehera milatso, naye Aruni achidyoga chalache kpwenye milatso iyo na kuipaka kpwenye hizo pembe zirizo kpwenye pembe za phatu pha kulavira sadaka. Milatso yosala achiimwaga kpwenye hako ra phatu pha kulavira sadaka.

Isaya 29:7

Na mataifa ganjina gosi gapiganago na mudzi wa Arieli, gachigouzunguluka phamwenga na ngomeze na kuhenda atue agaye, gandaangamika dza ndoso, ruwiya ya usiku.

1 Afalume 2:28

Joabu ariphophaha habari, wazorera kpwenye hema ra Mwenyezi Mlungu na kugbwiririra pembe za phatu pha kulavira sadaka kpwa kukala wamuunga mkpwono Adonija dzagbwe kayamuunga mkpwono Abusalomu.

1 Afalume 1:50

Adonija naye, kpwa sababu wamuogopha Selemani, wachimbirira kpwenye hema ra Mwenyezi Mlungu, achigbwira pembe za phatu pha kulavira sadaka aphahe kupona.

Ezekieli 43:20

Undahala seemu ya milatso upake zo pembe ne za pho phatu pha kulavira sadaka na kpwenye pembe ne za daraja na kpwenye nyo mkanda kuzunguluka. Kpwa njira iyo pho phatu pha kulavira sadaka undaphatakasa na kuphahendera upatanisho.

Kutsama 27:1

“Tsona undatengeza phatu pha kulavira sadaka kuhumira mbao za mshita. Ure phamwenga na upana wa phatu hipho undakala sawa-sawa, ure mikono mitsano na upana mikono mitsano. Chimoche chindakala mikono mihahu.