Ezekieli 39:4 - Digo Bible

⁴ Uwe undafwa dzulu ya myango ya Iziraeli phamwenga na vikosivyo vyosi na anajeshi anji a mataifa phamwenga nawe. Ndakulavyani mriwe ni nyama a mapha a chila aina aryao nyama na nyama a tsakani.

Ezekieli 39:4 Referans Kwoze

Ezekieli 33:27

Aambire hivi, ‘Mwenyezi Mlungu anaamba hivi: Kpwa kpweli dza niishivyo, aho asagalao magandzoni andaolagbwa na upanga na ario weruni nindaalavya ariwe ni nyama a tsakani na ario ngomeni na mapangoni andaolagbwa ni makongo.

Ezekieli 38:21

Nindabwaga viha chinyume cha Gogu ko kpwenye myango yangu yosi, Mwenyezi Mlungu anaamba, nao andapigana enye kpwa enye.

Ezekieli 29:5

Nami ndakutsupha ko jangbwani, uwe phamwenga na nyo ngʼonda a mwako vidzuhoni. Uwe undagbwa weruni, kundatsolwa wala kuzikpwa. Nami ndakulavya dza chakurya kpwa nyama a tsakani na nyama a mapha.

Jeremia 15:3

“Mimi Mwenyezi Mlungu naamba, ‘Nindaaphirikira aina ne za abanangi. Ndaaphirikira upanga wa kuaolaga, madiya ambago gandaamwamula, nyama a mapha na nyama a tsakani ndioarya na kuaangamiza.

Isaya 14:24

Mwenyezi Mlungu, Mlungu wa majeshi akaapa hivi, “Manyani kukala indakala dza nchivyokusudiya, indatimiya kama nchivyopanga.

Isaya 14:25

Ndamʼbananga iye Muashuru ariye kpwenye tsi yangu na nimvyoge-vyoge dzulu ya myango yangu. Ndaausira atu angu gogolo ra Aashuru na mizigo ambayo kala akaitsukula.

Jeremia 25:33

Ndioolagbwa ni Mwenyezi Mlungu wakati uho andaenea chila phatu duniani. Takuna ndiye asononekera, ndiyekusanya nyufu zao wala kuazika, andakala dza mavi chigogota chila phatu.

Ezekieli 35:8

Myangoyo ndaiodzaza atu arioolagbwa. Aho arioolagbwa na upanga andagbwa mo mwako vidzangoni, madeteni na mwako vidzuhoni.

Ezekieli 39:5

Mundaolagbwa ko weruni, mana mimi nkagomba, Mwenyezi Mlungu anaamba.

Nahumu 3:3

Apandadzi-farasi anashambuliya, panga na mafumo ganameka-meka. Anji akalumizwa nyufu zirere tandala miri isiyoolangika hata nyo anajeshi ashambuliyao anazikpwala.