Ezekieli 39:18 - Digo Bible

¹⁸ Mundarya nyama za masujaa, na kunwa milatso ya akulu a dunia, avi ni maturume, ana ngʼondzi, ndenje na ndzau, zosi za kunona kula Bashani.

Ezekieli 39:18 Referans Kwoze

Zaburi 22:12

Maadui manji gakanizunguluka dza ndzau, maadui enye mkpwotse dza ndzau kula Bashani akanizangira!

Jeremia 51:40

Nindaatsereza dza mangʼondzi gaphirikpwago chitsindzironi, dza maturume na ndenje.

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Ezekieli 29:5

Nami ndakutsupha ko jangbwani, uwe phamwenga na nyo ngʼonda a mwako vidzuhoni. Uwe undagbwa weruni, kundatsolwa wala kuzikpwa. Nami ndakulavya dza chakurya kpwa nyama a tsakani na nyama a mapha.

Jeremia 50:27

Tsindzani ndzauze zosi, ziricheni zitserere chitsindzironi. Shaka hiro mana siku yao ikafika, wakati wao wa kutiywa adabu.”

Maono 19:21

Hiye mutu yekala asegere dzulu ya farasi, wahumira upangawe utulukao kula kanwani kuolagira majeshi garigosala. Na nyo nderi achirya zo nyama hata achisinywa.

Ezekieli 34:17

“ ‘Ela mwimwi, murio chaa changu, Mwenyezi Mlungu anaamba hivi: Lola, ndaamula nyama osi akale ni ngʼondzi au mbuzi, maturume au ndenje.

Ezekieli 34:8

Mwenyezi Mlungu anaamba: Kpwa kpweli dza niishivyo, kpwa kukala mangʼondzi na mbuzi zangu zikakala za kuindzwa na kuriwa ni nyama a tsakani, kpwa kukala tazina mrisa na kpwa kukala arisa angu taaziendzere wala kuzirisa, ela nyo adzirisa enye,

Jeremia 50:11

Dzagbwe munafwahirwa na kuhererwa, mwi muhalao vitu vya atu angu zewe, dzagbwe munatona dza ndama ichiyoona nyasi, na kurira dza farasi mwenye mkpwotse.

Isaya 34:7

Nyahi andatsindzwa phamwenga nao, ana ndewa phamwenga na ndzau a mkpwotse. Tsi yao indalwama milatso na mitsanga yao indaodzala mafuha gao.

Zaburi 68:30

Ademurire hinyo nyama asagalao Ziyani, kundi ra ndzau na ndama. Avyoge-vyoge hinyo ario na chere ya kodi, atsamule hinyo atu anaohamirwa ni viha.

Kumbukumbu 32:14

Mlungu waapha siagi na maziya kula kpwa mbuzi na mangʼondzi, marunya ga ana ngʼondzi na maturume, na mbuzi kula Bashani. Waapha mtsere nono kabisa na achinwa uchi mnono wa zabibu.

Jeremia 46:5

Dze, mino naonani? Naaona akainjirwa ni wuoga, nao anauya nyuma. Masujaa gao gakashindwa, ganachimbira mairo, bila kulola nyuma, chisha chila phatu phanaogofya!” Mimi Mwenyezi Mlungu nkaamba.

Ezekieli 39:19

Nina kutayarishirani karamu za kutsindza sadaka, namwi mundarya marunya hata mmvune na munwe milatso hata mlewe.

Isaya 34:6

Upanga wa Mwenyezi Mlungu ukaodzala milatso na marunya. Milatso ya ana ngʼondzi na mbuzi, marunya ga figo za maturume. Mana Mwenyezi Mlungu analavya sadaka hiko Bosira, akatsindza sana katika tsi yosi ya Edomu.