Ezekieli 37:11 - Digo Bible

¹¹ Chisha achiniamba, “Mwanadamu, mifupha ihi ni atu osi a Iziraeli. Aho nkuamba, ‘Mifupha yehu yauma, na tahuna kuluphiro tsona, hukaolagbwa.’

Ezekieli 37:11 Referans Kwoze

Aefeso 2:1

Hipho kare kala mkafwa chiroho kpwa sababu ya dambi zenu na kumpinga Mlungu.

Ezekieli 39:25

“Kpwa hivyo Mwenyezi Mlungu anaamba hivi: Vivi ndamuuyizira Jakobo kuongokerwakpwe na nionere mbazi atu osi a Iziraeli, nami ndarionera wivu dzina rangu takatifu.

Ezekieli 36:10

Nami ndaaenjereza nyo atuo, yani atu osi a Iziraeli. Magandzo gandadzengbwa luphya na midzi indasagalwa.

Jeremia 31:1

Mwenyezi Mlungu anaamba, “Wakati uho nindakala Mlungu wa miryango yosi ya Iziraeli, nao andakala atu angu.”

Isaya 49:14

Ela atu a Sayuni aamba, ‘Mwenyezi Mlungu akahuricha, Mwenyezi Mlungu akahuyala.’

Hosea 1:11

Atu a Juda na a Iziraeli andaungana atsambule chilongozi mmwenga; nao andaenjerezeka na kuongokerwa kahi ya tsi yao kpwa kukala yo siku ya Jeziriili indakala siku kulu.”

Jeremia 2:25

Manyirira magulugo sedze ukagaremweza na umiroo ukakala na chiru kpwa kuzola hiku na hiku. Ela uwe uchiamba, ‘Taina mana kunikahaza mana namendza milungu ya chijeni, nami ndailunga.’

Zaburi 141:7

Aho andaamba, “Dza viratu mutu arimavyo na kubumbundisa madongolowa, vivyo ndivyo mifupha yehu phenye mryango wa mbira.”

Arumi 11:26

Na taifa rosi ra Iziraeli rindaokolwa. Na gaga ganagbwa sawa na Mlungu arivyogomba, kukala: “Muokoli andala Sayuni, na andahenda chivyazi cha Jakobo ariche kumrema Mlungu.

Ezekieli 37:19

aambire, ‘Mwenyezi Mlungu anaamba hivi: Ndahala chigongo cha Yusufu na mbari zosi za Iziraeli zinazoshirikiana naye chiricho mkpwononi mwa Efuraimu, nchilundzanye na chigongo cha Juda vikale chigongo chimwenga mwangu mkpwononi.’

Ezekieli 37:16

“Uwe mwanadamu, hala chigongo uchiandike, ‘Cha Juda na Aiziraeli anaoshirikiana naye.’ Chisha hala chigongo chanjina na uchiandike, ‘Chigongo cha Efuraimu ambacho ni chigongo cha Yusufu na Aiziraeli ayae osi.’

Sonono za Jeremia 3:54

Madzi gachinitsupa chitswani, nami nchiamba, “Nikaangamika.”

Isaya 40:27

Mwi atu a chivyazi cha Jakobo, kpwa utu wani munalalamika na kuamba, ‘Mwenyezi Mlungu kamanya tabu zehu, Mlungu wehu kajali haki zehu.’

2 Akorintho 5:14

Hunahenda higa kpwa sababu hunalongozwa ni vyo Jesu ahumendzavyo. Iyo mendzwaye inahulongoza kpwa sababu hunaamini kukala mutu mmwenga wafwerera atu osi, phahi atu osi afwa.

Zaburi 88:5

ni dza mutu achiyerichwa kahi ya nyufu, ni dza arioolagbwa arereo mbirani, atu ambao uwe kuatambukira tsona, mana kuna rorosi uahenderaro tsona.

Zaburi 88:16

Nkafwinikpwa ni tsukizizo, mahendogo ga kuogofya gakaniangamiza.

Jeremia 32:43

Minda indagulwa tsona kpwenye tsi ihi ambayo munaamba kukala, ikakala wekee, bila ya atu na nyama, mana ikatiywa mikononi mwa Akalidayo.

Sonono za Jeremia 3:18

Kpwa vivyo naamba, “Nikakata tamaa tse, na sitarajiya utu wowosi tsona kula kpwa Mwenyezi Mlungu.”

Ezekieli 33:10

“Na uwe mwanadamu, aambire atu a Iziraeli, ‘Mwimwi munaamba, “Makosa gehu na dambi zehu zi dzulu yehu, naswi zikahuondeza, hunawezadze kukala moyo?” ’

Ayubu 17:15

kuluphiro rangu ri kuphi? Ni ani ndiyeona kuluphiro rangu?

Zaburi 31:23

Mmendzeni Mwenyezi Mlungu, mwi atakatifue mosi! Mwenyezi Mlungu nkuarinda atu aaminifu ela nkuatiya adabu kali hinyo anaodzikarya.