Ezekieli 34:13 - Digo Bible

¹³ Nizituluze kula kpwa mataifa na kuzikusanya kula tsi za chijeni, nizirehe tsi yao enye. Nindazirisa myango ya Iziraeli kanda-kanda ya vidzuho vya madzi na kpwenye seemu za tsi zisagalwazo ni atu.

Ezekieli 34:13 Referans Kwoze

Ezekieli 11:17

Kpwa hivyo amba, ‘Mwenyezi Mlungu anaamba: Nindakukusanyani kula kpwenye mataifa na tsi ambako kala mkatsamulwa, na nkuuyizireni tsi ya Iziraeli.’

Zaburi 106:47

Hutivye, ee Mwenyezi Mlungu, Mlungu wehu, hukusanye kula kahi ya mataifa ili hushukuru dzinaro takatifu na kudzikarya kpwa ngumazo.

Jeremia 32:37

‘Lola, nindaakusanya kula tsi zosi nrikoazola niriphokala nikatsukirwa na tsukizi nyinji. Mimi nindaauyiza phapha na kuahenda asagale kpwa usalama.

Amosi 9:14

Nindaauyiza atu angu Iziraeli nao andadzenga luphya magandzo ga midzi yao asagale. Andaphanda minda ya mizabibu na kunwa uchiwe, andaphanda minda na arye mavunoge.

Ezekieli 36:24

Mana ndakutuluzani kula kahi za mataifa na nikukusanyeni kula kpwa zo tsi, nami nikuuyizeni kpwenye tsi yenu enye.

Jeremia 30:3

Mana wakati uredza ambapho mimi Mwenyezi Mlungu ndatuluza atu angu a Iziraeli na a Juda kula ko arikotsamizwa kpwa lazima na niauyize kpwenye tsi niriyoaapira ise zao kukala nindaapha ikale yao.”

Ezekieli 39:27

Atu a mataifa andaona wakati ndiphokala naatuluza Aiziraeli kula tsi za maadui na kuareha kpwao, nao nyo atu a mataifa andamanya kukala mimi ni mtakatifu.

Ezekieli 20:41

Ndiphokutuluzani kula kahi za mataifa na kukukusanyani kula tsi nrizokutsamulani, ndakukubalini dza kungu nono inihamirayo. Chisha nionyese utakatifu wangu kahi yenu mbere za atu a mataifa.

Jeremia 23:8

Ela andaamba, ‘Dza Mwenyezi Mlungu aishivyo ariyereha chivyazi cha Aiziraeli kula tsi ya vurini na kula tsi zosi ambako kala akaatsamiza kpwa lazima.’ Phapho ndiphokala anaishi kpwenye tsi yao enye.”

Jeremia 31:8

Lola, nindaareha kula tsi ya vurini, nindaakusanya kula seemu za kure za dunia, kahi yao vipofu na viswere, achetu achiopheza na ario na utsungu wa kudzivugula, borori ra atu rindauya.

Jeremia 30:18

Mana Mwenyezi Mlungu anaamba, “Lola, nindauyiza atu a chivyazi cha Jakobo kpwenye tsi yao na niaonere mbazi mwao makaloni. Mudzi hinyo undadzengbwa dzulu ya ro gandzo, na ro dzumba ra chifalume rindadzengbwa pho ririphokala.

Ezekieli 38:8

Bada ya miaka minji ndakulagiza ukavamie tsi ambayo ikahurira bada ya viha, ambayo atue naakusanya na nchiauyiza kula mataifa ganjina manji nao achisagala bila ya chiwewe cha viha. Uwe undavamia myango ya Iziraeli, ambayo kala ni magandzo bila ya atu kpwa muda mure, ela kuko atu anaishi kpwa usalama.

Kumbukumbu 30:3

hipho ndipho Mwenyezi Mlungu, Mlungu wenu, ndiphokuuyizirani kuongokerwa kpwenu. Iye andakuonerani mbazi na akukusanyeni tsona kula kahi za mataifa ambako akakutsamulani.

Zaburi 37:3

Mkuluphire Mwenyezi Mlungu na uhende manono, ili uishi salama kpwenye yo tsi na uongokerwe.

Isaya 30:25

Siku iyo atu anji andaolagbwa na minara kubanangbwa, madzi gandajera kula myango mire na vidzango vire.

Jeremia 50:19

Ela ndaauyiza Aiziraeli kpwao marisani, nao andarisa ko Karimeli na Bashani, tsona andamvuna ko myango ya Efuraimu na Giliadi.’

Ezekieli 20:42

Namwi mundamanya kukala mimi, ndimi Mwenyezi Mlungu, ndiphokurehani hadi tsi ya Iziraeli, tsi ambayo náapira kuapha akare enu.

Ezekieli 36:12

Nindaahenda atu, atu angu Iziraeli asagale dzulu zenu. Mundakala mali na urisi wa atu angu. Namwi tamundahala tsona ana ao.

Ezekieli 36:29

Nindakutivyani na unajisi wenu wosi. Ndaamuru mtsere uenjerezeke ukale munji nami sindakureherani ndzala.

Ezekieli 36:30

Nindahenda matunda ga mihini na mavuno ga mindani gakale manji, ili msiphahe waibu kahi za mataifa kpwa sababu ya ndzala.

Ezekieli 39:25

“Kpwa hivyo Mwenyezi Mlungu anaamba hivi: Vivi ndamuuyizira Jakobo kuongokerwakpwe na nionere mbazi atu osi a Iziraeli, nami ndarionera wivu dzina rangu takatifu.

Mika 4:6

Mwenyezi Mlungu anaamba, “Siku iyo nindakusanya virema osi, na niarehe hara ariokala akatsamizwa kpwa lazima phamwenga na hinyo nrioagayisa.

Mika 5:4

Andalongoza na kumanyirira atue kpwa nguvu za Mwenyezi Mlungu, na kpwa ukulu wa dzina ra Mwenyezi Mlungu, Mlunguwe dza mrisa amanyiriravyo mifugoye. Nao andaishi salama mana wakati hinyo iye andakala ndiye mkpwulu dunia yosi.

Zefania 3:13

Nyo Aiziraeli ndiosala taandahenda mai na taandagomba handzo, mana takundakala na mutu wa handzo kahi yao. Andarisa na kulala salama na takuna yeyesi ndiyeaogofyera.”

Isaya 49:9

Uambire afungbwa, ‘Kalani huru,’ na aho ario jizani uambire, ‘Tulukani mkale mwangani!’ Andaphaha chakurya cha kukola kanda-kanda za njira, na hata dzulu ya vidzango ambavyo kala tavina chitu.

Jeremia 33:12

“ ‘Mwenyezi Mlungu, Mlungu wa majeshi anaamba hivi, “Phatu phapha ambapho ni gandzo phasipho na atu wala nyama na kpwenye midziye yosi, kundakala na marisa manono ga kutosha arisa kurisa mifugo yao.

Mika 2:12

Kpwa kpweli ndakukusanyani phamwenga mwimwi atu a Jakobo. Ndaakusanya phamwenga atu a Iziraeli achiosala. Ndaareha phamwenga dza mangʼondzi kpwenye chaa, dza mifugo phao marisani, napho phandakala na atu anji.