Ezekieli 33:10 - Digo Bible

¹⁰ “Na uwe mwanadamu, aambire atu a Iziraeli, ‘Mwimwi munaamba, “Makosa gehu na dambi zehu zi dzulu yehu, naswi zikahuondeza, hunawezadze kukala moyo?” ’

Ezekieli 33:10 Referans Kwoze

Ezekieli 37:11

Chisha achiniamba, “Mwanadamu, mifupha ihi ni atu osi a Iziraeli. Aho nkuamba, ‘Mifupha yehu yauma, na tahuna kuluphiro tsona, hukaolagbwa.’

Ezekieli 24:23

Mundavwala viremba vyenu na virahu vyenu maguluni. Msisononeke wala kurira kpwa sauti, ela mundaonda kpwa dambi zenu na kuula.

Isaya 49:14

Ela atu a Sayuni aamba, ‘Mwenyezi Mlungu akahuricha, Mwenyezi Mlungu akahuyala.’

Ezekieli 4:17

Andatumburirana matso bila matumaini mana akakosa chakurya na madzi. Nao andaonda kpwa sababu ya makosa gao.”

Alawi 26:39

Hara ndiosala kahi yenu, andasirirwa ni mkpwotse kpwenye tsi ya maadui genu kpwa sababu ya dambi zao na za akare ao.

Jeremia 2:25

Manyirira magulugo sedze ukagaremweza na umiroo ukakala na chiru kpwa kuzola hiku na hiku. Ela uwe uchiamba, ‘Taina mana kunikahaza mana namendza milungu ya chijeni, nami ndailunga.’

Isaya 51:20

Anao akafwa purungire, akagbwa kahi ya chila pembe ya barabara, dza kulungu chiyegbwirwa ni nyavu. Mwenyezi Mlungu, Mlunguo akaatiya adabu kali kpwa tsukizize.

Zaburi 130:7

Uwe Iziraeli mkuluphire Mwenyezi Mlungu, mana Mwenyezi Mlungu ana mendzwa isiyosika, tsona iye ana nguvu nyinji za kukombola.

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

2 Nyakati 34:24

kukala Mwenyezi Mlungu anaamba hivi, ‘Lola! Nindareha mai dzulu ya phatu phapha na dzulu ya asagalao phapha. Nindareha lana zosi zirizoandikpwa kpwenye cho chitabu chirichosomwa mbere za mfalume wa Juda.

Ezira 9:15

Ee Mwenyezi Mlungu wa Iziraeli, uwe u mwenye haki. Siswi hu masaza huriotiya. Huimire mberezo swiswi enye dambi, dzagbwe taphana hata mmwenga wehu afwahaye kuima mberezo kpwa sababu ya makosa gehu.”

Ezekieli 18:19

“Mwimwi munaamba, ‘Kpwa utu wani ye mwana asitiywe adabu kpwa makosa ga ise?’ Ela napho ye mwana anahenda haki na garigo sawa, kpwa kpweli iye andakala moyo.