Ezekieli 30:16 - Digo Bible

¹⁶ Misiri ndaitiya moho, Sini indagalagala kpwa maumivu. Kuta za No zindakala na myanya na mudzi wa Nofu undapigbwa ni maadui chila siku.

Ezekieli 30:16 Referans Kwoze

Ezekieli 28:18

Kpwa dambizo nyinji na bisharazo zisizo za haki wahenda mwatumo mtakatifu mkale najisi. Phahi nákuhenda uake moho nao uchikuocha nami nchikuhenda ukale ivu pho photsi mbere za osi ariokala anakulola.

Jeremia 44:1

Hiri ndiro neno ambaro Mwenyezi Mlungu wamuambira Jeremia kuhusu Ayahudi osi ariokala anasagala Misiri, haswa midzi ya Migidoli, Tapanesi, Memufisi na tsi ya Pathirosi.

Ezekieli 30:13

“ ‘Mwenyezi Mlungu anaamba hivi: Nindabananga vyo vizuka, na kuusa kamare milungu ko Nofu. Takundakala tsona na chilongozi kula tsi ya Misiri, nindatiya wuoga tsi yosi ya Misiri.

Ezekieli 30:14

Nami ndahenda tsi ya Pathirosi ikale gandzo mudzi wa Soani niutiye moho, na nitiye adabu mudzi wa No.

Ezekieli 30:15

Nami ndatsukirirwa mudzi wa Sini, ambayo ni ngome ya Misiri, na niolage atu anji a Thebesi.

Ezekieli 30:17

Barobaro a mudzi wa Oni na a Pibesethi andaolagbwa na upanga na atu a yo midzi andahalwa mateka.

Ezekieli 39:6

Nami ndahenda kuake moho ko tsi ya Magogu na kpwa mataifa garigo pwani gafikiriyago kukala ga salama, nao andamanya kukala mimi, ndimi Mwenyezi Mlungu.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.