Ezekieli 28:18 - Digo Bible

¹⁸ Kpwa dambizo nyinji na bisharazo zisizo za haki wahenda mwatumo mtakatifu mkale najisi. Phahi nákuhenda uake moho nao uchikuocha nami nchikuhenda ukale ivu pho photsi mbere za osi ariokala anakulola.

Ezekieli 28:18 Referans Kwoze

Malaki 4:3

Mwenyezi Mlungu, Mlungu wa majeshi anaamba, “Siku ntakaphotimiza higo nchigogapanga, mundavyoga-vyoga ayi dza mvyogavyo vumbi tsini ya nyayo zenu.”

Maono 18:8

Phahi andaphaha mashaka gosi siku mwenga tu, mashaka ga chifo, ga chiriro na ga ndzala. Andatsomwa na moho, mana Bwana Mlungu aamulaye ndiye wa uwezo wosi.”

Ezekieli 28:16

Kpwa unji wa bisharazo uchikala mutu wa fujo na uchihenda dambi. Ndipho nchikuzola kpwa waibuo kpwenye mwango wa Mlungu, nami nchikuusa, uwe kerubi mrindzi, kula kahi-kahi ya mawe ga samani ga kumeka-meka.

Ezekieli 28:2

“Mwanadamu, muambire mfalume wa Tiro, ‘Mwenyezi Mlungu anaamba hivi: Kpwa kukala una moyo wa kudziunula, nawe ukaamba, “Mimi ni mlungu ninasagarira chihi cha utawala cha milungu, kahi-kahi ya bahari,” ela u mutu tu, ku mlungu, dzagbwe unadzihenda kukala una ikima dza mlungu.

2 Petero 2:6

Phapho hipho hunamanya tsona kuhusu midzi ya Sodoma na Gomora. Mlungu waiocha na moho midzi hino ili rikale fundzo kpwa atu asiolonda kulunga maneno ga Mlungu.

Mariko 8:36

Mana indafwahani mutu achiphaha utajiri wosi wa dunia ndzima, ela rohoye yiangamike?

Amosi 2:5

Kpwa hivyo, tsi ya Juda ndaitiya moho, nao undaocha ngome za Jerusalemu.”

Amosi 2:2

Kpwa hivyo, tsi ya Moabu ndaitiya moho, nao undaocha ngome za Keriothi. Na Amoabu andafwa kahi za kululu za viha, chiriro, na kululu za gunda.

Amosi 1:14

Kpwa hivyo, ukuta wa Raba nindautiya moho, nao undaocha ngomeze, na siku iyo kundakala na kululu za viha, navyo viha vindavuma dza phuto.

Ezekieli 5:4

Chisha hala vichache vyanjina uvitsuphe mohoni viphye. Phapho phandatuluka moho uoche tsi yosi ya Iziraeli.

Aamuli 9:20

Ela ichikala si hivyo, moho nautuluke kula kpwa Abimeleki uoche atu a Shekemu na Bethi-Milo; na moho nautuluke kula kpwa atu a Shekemu na Bethi-Milo, umuoche Abimeleki.”

Aamuli 9:15

Nao muhi wa miya uchijibu hira mihi uchiamba, ‘Ichikala kpweli mnalonda nikale mtawala wenu, ndzoni msagale tsini ya chivurivuri changu. Ela ichikala tamlonda kuhenda hivyo, phahi moho nautuluke kula mwangu miyani ukaoche mierezi ya Lebanoni.’ ”

Ezekieli 28:15

Njirazo kala tazina ila kula siku uriyoumbwa hadi wakati uriphomanywa una makosa.

Zakariya 9:4

Ela lola, Mwenyezi Mlungu andaausira mali zao na ngome zao andaziangamiza baharini, na nyo mudzi undatiywa moho.

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.