Ezekieli 27:36 - Digo Bible

³⁶ Nyo ahendadzi-bishara kahi ya atu anakukpwinya, ukamarigiza komakoma, na kundakalako tsona ta kare na kare.’ ”

Ezekieli 27:36 Referans Kwoze

Jeremia 18:16

Andaihenda tsi yao itishe, ikale chitu cha kuberwa ta kare na kare. Atu ndiotsupa na phapho andaangalala na kusukasuka vitswa.

Zefania 2:15

Ninawi iriyodzikarya kukala i salama, yadziamba, “Takuna wanjina dza mimi.” Haya vino lola, ikakala gandzo na makalo ga nyama a tsakani. Chila atsupaye phephi na phapho anaufyorera na kuubera.

Ezekieli 26:21

Nindakuhenda chitu cha kuogofya nawe kundakalako tsona. Dzagbwe undaendzwa, ela kundaphahikana tsetsetse, mimi Mwenyezi Mlungu nkaamba.”

Jeremia 19:8

Nami ndauhenda mudzi uhu mkpwulu ukale wa kuangalaza na wa kuberwa. Yeyesi ndiyetsupa phephi na phapho andaangalala na kuuzemerera kpwa sababu ya mapigoge.

Zaburi 37:36

badaye nátsupa tsona na phapho ela achikala kapho! Námuendza ela wapi, siyamuona.

Zaburi 37:10

Bada ya muda mfupi atu ahendao mai taandakalapho tsona hata ukaaendza hipho akalapho, kundaaona.

Ezekieli 26:14

Nami ndakuhenda ukale mwamba muhuphu. Undakala phatu pha kuanikira vimiya. Kundadzengbwa tsona, mana mimi Mwenyezi Mlungu nkagomba, Mwenyezi Mlungu anaamba.

Ezekieli 26:2

“Mwanadamu, kpwa sababu Tiro yafwahirwa ichiamba hivi kuhusu Jerusalemu, ‘Ryango ra mataifa rikavundzika, na miryangoye ikanivugukira. Kpwa vira Jerusalemu ikakala gandzo ndaongokerwa,’

Sonono za Jeremia 2:15

Osi atsupao na njira anapiga makofi kpwa kukubera, anapigira mishoni ye mwana mchetu wa Jerusalemu na kusukasuka vitswa vyao. “Dze, uno ndio mudzi kala uchiihwa ukamilifu wa unono fwahiro ra dunia?”

Jeremia 50:13

Kpwa sababu ya tsukizi za Mwenyezi Mlungu, Babeli takundakalika, ela kundakala gandzo tsetsetse. Chila atsupiraye na kuko andaangalala na kuuzemerera, kpwa go mapigoge gosi.

Jeremia 49:17

“Mudzi wa Edomu undakala utu wa kuangalaza na wa kuberwa. Yeyesi ndiye tsupa phephi na phapho andaangalala na kuuzemerera kpwa sababu ya mapigoge.

1 Afalume 9:8

Nyumba hino indabanangbwa na kukala gandzo. Chila mutu atsupaye phephi andaangalala na kuisononekera nao andauza: ‘Kpwa utu wani Mwenyezi Mlungu akaihenda hivi tsi hino na nyumba hino?’

Ezekieli 28:1

Mwenyezi Mlungu wagomba nami achiamba,

Ezekieli 28:19

Atu osi ariokumanya kahi za mataifa andaangalazwa ni go chigokuphaha. Uwe ukamarigizwa komakoma nawe kundakalako tsona ta kare na kare.’ ”