Ezekieli 27:27 - Digo Bible

²⁷ Utajirio, vitu uguzavyo, mabahariyao na maderevao a meli, mafundigo ga kurekebisha meli, achuuzio na anajeshio, yani atu osi mo melini andazama kahi-kahi ya bahari yo siku ya kuangamizwako.

Ezekieli 27:27 Referans Kwoze

Misemo 11:4

Mali taziokola siku ya uamuli, ela haki inaokola na chifo.

Ezekieli 27:34

Vivi meliyo ikaangamizwa mo madzini na kuzama chivwani ko baharini vituvyo na atuo osi akaangamika phamwenga nawe.

Ezekieli 27:24

Aho ndio ariokuguzira mavwazi manono, nguwo za buluu na nguwo zoshonwa marembo, mazuliya ga rangi-rangi na nyugbwe zophalazwa ngingingi.

Ezekieli 27:22

Ahendadzi-bishara a Sheba na Raama ahenda bishara nawe. Aho akakaniza vituvyo na vilungo vinono zaidi, na aina zosi za mawe ga samani na zahabu.

Ezekieli 27:12

“ ‘Tarishishi yahenda bishara nawe kpwa sababu ya utajirio munji wa vitu. Aho akupha feza, chuma, bamba na aina ya chuma chiihwacho risasi nawe uchiapha vitu urivyokala navyo.

Ezekieli 26:21

Nindakuhenda chitu cha kuogofya nawe kundakalako tsona. Dzagbwe undaendzwa, ela kundaphahikana tsetsetse, mimi Mwenyezi Mlungu nkaamba.”

Ezekieli 26:14

Nami ndakuhenda ukale mwamba muhuphu. Undakala phatu pha kuanikira vimiya. Kundadzengbwa tsona, mana mimi Mwenyezi Mlungu nkagomba, Mwenyezi Mlungu anaamba.

Ezekieli 26:12

Nao andahala zewe utajirio na vituvyo vya bishara. Aho andabomola kutazo na kubomola nyumba zenu nono-nono. Alafu atsuphe mawego, mbaozo na taka-taka zosi kahi-kahi ya bahari.

Ezekieli 27:26

Apigio a makafi akuphirika kure na pwani. Ela phuto ra mlairo wa dzuwa rindakuvundza vipande-vipande ko kahi-kahi ya bahari.

Ezekieli 27:28

Maderevao a meli ndiphorira kpwa wuoga ko kanda-kanda ya pwani kundakakama.

Ezekieli 28:8

Aho andakutsereza kuzimu nawe undaolagbwa chikatili kahi-kahi ya bahari.

Jeremia 25:22

afalume osi a Tiro na Sidoni; afalume a seemu za pwani ya Bahari Kulu;

Ezekieli 26:1

Iriphofika siku ya kpwandza ya mwezi, mwaka wa kumi na mwenga bada ya kutsamizwa kpwa lazima, Mwenyezi Mlungu wagomba nami achiniamba,

Ezekieli 28:1

Mwenyezi Mlungu wagomba nami achiamba,

Amosi 1:9

Mwenyezi Mlungu anaamba, “Kpwa sababu atu a Tiro akahenda dambi vivyo kpwa vivyo, ni niatiye adabu. Aho ahala mateka malalo mazima-mazima, na atue achiaguza dza atumwa kpwa Aedomu, nao taayagbwira chilagane cha udugu.

Zakariya 9:3

Atu a Tiro adzidzengera ngome, na achidzikusanyira ndulu za feza na zahabu, hadi zichikala tazina mana dza vumbi na matope ga barabarani.