Ezekieli 27:22 - Digo Bible

²² Ahendadzi-bishara a Sheba na Raama ahenda bishara nawe. Aho akakaniza vituvyo na vilungo vinono zaidi, na aina zosi za mawe ga samani na zahabu.

Ezekieli 27:22 Referans Kwoze

Mwandzo 10:7

Ana alume a Kushi kala ni Seba, Havila, Sabuta, Raama na Sabuteka. Ana alume a Raama kala ni Sheba na Dedani.

Isaya 60:6

Makundi ga ngamia atsanga-atsanga a Midiani na Efa gandaodzaza tsi. Osi alao Sheba, andareha zahabu na ubani, na azitangaze nguma za Mwenyezi Mlungu.

Ezekieli 38:13

Ahendadzi-bishara kula Sheba, Dedani na Tarishishi phamwenga na anajeshi sujaa andakuambani, “Mkedza hala zewe? Mukakusanya anajeshi sujaa mwedze mtsukule feza na zahabu, muhale mifugo, yani muhale vitu vinji zewe?” ’

Zaburi 72:15

Mfalume na akale na maisha mare aphokere zawadi ya zahabu kula Sheba, atu amuvoyere Mlungu siku zosi na kumvoyera baraka za Mlungu dii yosi!

Zaburi 72:10

Afalume a Tarishishi na a visuwa andareha kodi, afalume a Sheba na Seba andamrehera zawadi.

1 Nyakati 1:9

Na ana alume a Kushi kala ni Seba, Havila, Sabuta, Raama na Sabuteka. Na ana alume a Raama kala ni Sheba na Dedani.

Mwandzo 43:11

Ndipho ise yao achiamba, “Ichikala ni lazima aphiye, phahi hendani hivi: Halani vitu vinono-vinono kula ku kpwehu, mumphirikire zawadi hiye mkpwulu. Halani dawa chache ya mavune, asali chache, vilungo vya kujitira, uvumba na mbeyu za mtswano, yani jozi na lozi.

Ezekieli 28:13

Uwe wakala Edeni, bustani ya Mlungu, uchipambwa kpwa mawe ga samani ga chila aina: akiki, yakuti ya mandano, alimasi, zabarajadi, shohamu, jasipa, yakuti samawi, zumaridi, baharamani na mapambogo ga zahabu. Vyokala vikatengezwa kare siku uriyoumbwa.

Ezekieli 23:42

Na sauti za atu ario hererwa zakala phamwenga namwi na phamwenga na atu asio na adabu na alevi kula jangbwani. Achikuvwikani bangili mikononi na tadzi nono mwenu vitswani.