Ezekieli 25:6 - Digo Bible

⁶ Mana Mwenyezi Mlungu anaamba hivi: Kpwa sababu mwapiga makofi na mchipiga mawala kpwa kuhererwa na kpwa mioyo yenu mii chinyume cha Iziraeli,

Ezekieli 25:6 Referans Kwoze

Zefania 2:8

“Nkasikira ufyozi wa Amoabu na Aamoni anyetavyo vira ambavyo osi afyorera atu angu, na kudzikarya kukala andahala tsi yao.

Obadiya 1:12

Msingeonato wakati ndugu zenu kala a mashakani. Msingehererwa wakati mudzi wao unaangamizwa. Mwahenda makosa kpwa kutseka ndugu zenu siku ya mashaka gao.

Zefania 2:10

Higo gandakala maripho ga ngulu zao kpwa kukala afyola na achidzikarya chinyume cha atu a Mwenyezi Mlungu, Mlungu wa majeshi.

Nahumu 3:19

Uwe u dza mutu achiyetiywa chironda chironda ambacho tachina dawa. Chila mutu asikiraye kugbwako, anapiga makofi kpwa kuhererwa. Mana takuna mutu hata mmwenga ambaye kumuhenderere uyio.

Ezekieli 36:5

Kpwa hivyo, Mwenyezi Mlungu anaamba hivi: Kpwa wivu wangu munji nagomba chinyume cha mataifa ganjina na chinyume cha Edomu yosi, ahenda tsi yangu ikale yao kpwa kuhererwa na chibero mwao mioyoni ili seemuze za marisa azihale zewe.’

Ezekieli 25:15

“ ‘Mwenyezi Mlungu anaamba hivi: Kpwa kukala Afilisti ahenda mambo na chisasi, ariphiza Juda chijaili, na achiyiangamiza kpwa uadui wa kare,

Ezekieli 6:11

“ ‘Mwenyezi Mlungu anaamba hivi: Piga makofi chisha upige mawala uambe, “Shauri yao!” kpwa sababu ya mahendo ga kutsukiza ga atu a Iziraeli, mana andaolagbwa na upanga, ndzala na makongo.

Ayubu 27:23

Phuto nkuazemerera wakati anazola, na kuatishira kpwa nguvuze za kubananga.

Zefania 2:15

Ninawi iriyodzikarya kukala i salama, yadziamba, “Takuna wanjina dza mimi.” Haya vino lola, ikakala gandzo na makalo ga nyama a tsakani. Chila atsupaye phephi na phapho anaufyorera na kuubera.

Ezekieli 35:15

Dza urivyohererwa wakati Iziraeli iriphohendwa wekee bila atu, ndivyo ndivyokuhendera uwe. Uwe undakala wekee, uwe mwango Seiri na tsi yosi ya Edomu. Phahi atu andamanya kukala mimi, ndimi Mwenyezi Mlungu.’ ”

Sonono za Jeremia 2:15

Osi atsupao na njira anapiga makofi kpwa kukubera, anapigira mishoni ye mwana mchetu wa Jerusalemu na kusukasuka vitswa vyao. “Dze, uno ndio mudzi kala uchiihwa ukamilifu wa unono fwahiro ra dunia?”

Jeremia 48:27

Dze, Moabu, kuyamtseka Iziraeli? Kpwani wamgbwira na aivi, hata phophosi unasuka-suka chitswa chila ugombapho kumuhusu?

Misemo 24:17

Mvihao achifikpwa ni mai usihererwe, wala achikpwala usimtseke.

Ayubu 34:37

Mana zo dambize anazienjereza kpwa kuasi, uwe kuna ishima, unagomba maneno ga kutsukiza chinyume cha Mlungu.”

Ezekieli 25:3

Aambire, ‘Phundzani neno ra Mwenyezi Mlungu. Mwenyezi Mlungu anaamba hivi: Kpwa sababu mwafwahirwa, wakati phatu phangu phatakatifu phariphotiywa najisi, wakati tsi ya Iziraeli iriphorichwa wekee bila atu na atu a Juda ariphohalwa mateka,

Sonono za Jeremia 1:7

Jerusalemu inatambukira siku za mateso na sonono na vitu vyosi vya samani vyokala vyakpwe hangu kare. Atue ariphoshindwa ni avihae, napho taphayakala na wa kumkanira, avihae amlola na kumtseka wakati wa kushindwakpwe.