Ezekieli 23:39 - Digo Bible

³⁹ Mana bada ya kutsindza ana aho na kualavya akale sadaka za vizuka vyao, achiinjira phatu phangu phatakatifu achiphanajisi siku iyo-iyo. Higa ndigo arigohenda kpwenye nyumba yangu.

Ezekieli 23:39 Referans Kwoze

2 Afalume 21:4

Wadzenga phatu pha kulavira sadaka ndani ya nyumba ya Mwenyezi Mlungu phatu ambapho Mwenyezi Mlungu kala akaamba, “Mimi nindaika dzina rangu mo Jerusalemu.”

Ezekieli 44:7

Mwimwi mkunajisi nyumba yangu wakati munanilavira chakurya changu, marunya na milatso, kpwa kuinjiza ajeni ambao taayatiywa tsatsani na taamuogopha Mlungu. Mwimwi mwavundza chilagane changu kpwa mambo genu ga kutsukiza.

Jeremia 23:11

“Manabii na alavyadzi-sadaka osi taamuogopha Mlungu, nami nkaaona anahenda uyi mwangu nyumbani, mimi Mwenyezi Mlungu nkaamba.

Johana 18:28

Siku ya phiriye kuriphocha, Jesu waphirikpwa hadi dzumba ra Pilato, liwali wa jimbo ra Chirumi, kula kpwa Kayafa. Ela vilongozi a Chiyahudi enye taainjirire mo dzumbani ili asedze akatiywa najisi (mana kulengana na mila za Chiyahudi, kala achiinjira nyumba ya mutu asiyekala Myahudi, andakahazwa kusherekeya Sikukuu ya Pasaka).

Mika 3:11

Vilongozie anaamula kpwa kuphokera hongo, alavyadzi-sadaka anafundza kpwa maripho, manabiie anatabiri kpwa kuphokera pesa. Chisha achere mtegemea Mwenyezi Mlungu kpwa kuamba, “Si Mwenyezi Mlungu a phamwenga naswi, taphana mashaka ndigohuphaha.

Ezekieli 23:38

Kanda na higo, anihendera higa: Anajisi phatu phangu phatakatifu na taayaishimu siku zangu za kuoya.

Jeremia 11:15

Atu niamendzao taana haki ya kuinjira tsona mwangu nyumbani. Anji aho ni ayi hali ya kukala uyi wao tawuuswa ni sadaka za nyama. Ela nchiatiya adabu, taahamirwa.

Isaya 3:9

Nyuso zao zinashuhudiya chinyume chao, mana anahenda dambi chingʼangʼa bila kufwitsa dza Sodoma. Shaka hiro! Mana akadzirehera enye uyi.

Ezekieli 8:16

Chisha achinireha hadi muhala wa ndani wa nyumba ya Mwenyezi Mlungu. Na pho mryangoni pha kuinjirira nyumba ya kuvoya Mlungu, kahi-kahi ya baraza na phatu pha kulavira sadaka, kala phana atu kama mirongo miiri na atsano, achiolozera kogo yo nyumba, na nyuso zao akaziloza mlairo wa dzuwa, nao kala anariabudu ro dzuwa.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Ezekieli 22:8

Mukabera vitu vyangu vitakatifu na mkaharira siku zangu za kuoya zikale za kawaida.

2 Afalume 21:6

Wamlavya mwanawe dza sadaka ya kuochwa. Wapiga mburuga, chisha achihenda utsai na uganga. Wahenda mambo manji mai mbere za Mwenyezi Mlungu na achimtsukiza.

Ezekieli 5:11

Kpwa sababu hiyo, Mwenyezi Mlungu anaamba kpwa kpweli dza niishivyo, nindakuangamiza wala sindakuonera mbazi, kpwa kukala ukanajisi phatu phangu phatakatifu na vituvyo vya kutsukiza na mahendogo ga kutsukiza.