Ezekieli 21:7 - Digo Bible

⁷ Na ndiphokuuza, ‘Kpwa utu wani unahula?’ nawe undaambira, ‘Nasononeka kpwa sababu ya zo habari za mambo ndigokpwedza. Atu andavundzika mioyo na mikono yao irejere, atu andafwa purungire na adzikodzorere magulu kpwa mchecheta.’ Nago ga phephi na kuhendeka, mimi Mwenyezi Mlungu nkaamba.”

Ezekieli 21:7 Referans Kwoze

Ezekieli 7:17

Mikono yao indarejera na adzikodzorere magulu kpwa mchecheta.

Aeburania 12:12

Kpwa hivyo msigbwire rejereje, gbwirani mdinise. Richani kukakamwa ni magulu ili muime vinono.

Nahumu 2:10

Ninawi ukabanangbwa, ukatsamwa na ukakala gandzo! Atuo akamaka hata anakakamwa ni mavwindi. Aho taana mkpwotse na akaangalala.

Ezekieli 7:26

Kundahendeka mafwa bada ya mafwa na uvumi undakala wa kpwenderera. Andaendza ruwiya kula kpwa nabii na taandaphaha; mafundzo ga shariya galaviwago ni mlavyadzi-sadaka na ushauri wa atumia undaangamika.

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Isaya 13:7

Kpwa sababu hiyo, atu andakala na chiwewe na mikono indarejera.

Luka 21:26

Atu andafwa purungire kpwa wuoga, na kuririkana higo gedzago himu duniani, mana nguvu za dzulu mlunguni zindasumbiswa.

Ezekieli 24:19

Nyo atu achiniuza achiamba, “Gano uhendago gana mana yani kpwehu?”

Ezekieli 20:49

Ndipho nchiamba, “Aa Mwenyezi Mlungu, atu ananiamba, kukala nagomba ndarira tu.”

Sonono za Jeremia 5:17

Kpwa sababu iyo, mioyo yehu ni minyonje, kpwa utu uho matso gehu tagaonato,

Jeremia 49:23

Kuhusu Damasikasi. “Atu a midzi ya Hamathi na Aripadi akaangalala, mana akasikira habari mbii. Anakakamwa ni miri kpwa wuoga, akayugika dza bahari ambayo taihurira.

Jeremia 8:18

Sonono yangu takuna awezaye kuyiusa nikafwa moyo.

Isaya 35:3

Tiyani nguvu mikono minyonje, dinisani magoyo sigoweza kuima.

Isaya 28:19

Rorosi ndirokpwedza rindakuphahani, chila siku, ikale mutsi, ikale usiku rindakuphahani.” Muchielewa ujumbe uhu mundatishirwa.

Isaya 7:2

Mfalume Ahazi wa chivyazi cha Daudi ariphoasikira kukala Shamu ikaungana na Iziraeli, iye na atue agbwirwa ni wuoga, achikakama dza mihi ya tsakani isumbiswavyo ni phepho.

2 Afalume 21:12

phahi, mimi Mwenyezi Mlungu, Mlungu wa Iziraeli, naamba hivi: Ndareha chinyume cha Jerusalemu na Juda mai ambago hata yeyesi ndiyegasikira andadziondoka.

2 Samueli 17:10

Phahi hata iye ariye sujaa, mwenye moyo dza wa simba, andavudzala kpwa wuoga kabisa, mana Iziraeli osi anamanya kukala sowe na atu ario phamwenga naye piya ni masujaa.

Joshuwa 5:1

Afalume osi a Aamori ariosagala ngʼambo ya mtswerero wa dzuwa wa muho Joridani, na afalume a Akanani ariosagala pwani ariphosikira kukala Mwenyezi Mlungu akaumisa madzi ga Joridani kpwa sababu ya atu a Iziraeli hadi achivuka, nao akakama kpwa wuoga, na kusira nguvu kpwa kuogopha Aiziraeli.

Kumbukumbu 20:8

Na nyo maofisaa gandauza tsona gaambe, ‘Dze, phana mutu ariyemuoga na achiyevundzika moyo? Iye naauye kpwakpwe sedze akatiya ayae wuoga, akakala aoga dza iye.’

Alawi 26:36

Na hinyo ayawenu ndiosala ndaatiya wuoga kpwenye tsi ya maadui gao chiasi cha kukala hata sauti ya kodza rinarophepheruswa indaaondosa azole. Phahi aho andazola dza mutu anayechimbira viha. Andazola na kugbwa hata napho taphana mutu anayeazoresa.

Kutsama 15:15

Akulu a Edomu akaogofyerwa. Vilongozi a Moabu akagbwirwa ni wuoga mkpwulu; atu osi asagalao Kanani akavundzika moyo.

1 Petero 4:7

Mwisho wa dunia u phephi, kpwa hivyo kalani na chiasi na kudzimanyirira katika gosi muhendago, ili muweze kuvoya.

Joshuwa 7:5

Aiziraeli mirongo mihahu na sita aolagbwa ni atu a Ai. Achiazoresa kula kondze ya ryango ra mudzi hadi Shebarimu ambako Aiziraeli anji aolagbwa mavoromokoni. Nao Aiziraeli mioyo yao ichiinjira wuoga.

Zaburi 58:7

Na ayaye dza madzi gajerago, naavyogbwe-vyogbwe na anyale dza nyasi.

Ezekieli 21:6

Phahi we mwanadamu, sononeka kpwa utsungu munji mbere za matso gao.

Ezekieli 21:8

Mwenyezi Mlungu achigomba nami achiamba,

Ezekieli 21:15

Phahi atu andavundzika mioyo na anji afwe. Nindaika upanga kahi za maryango gao gosi. Uho wahendwa umeke-meke dza limeme, walaviwa uolage.

Ezekieli 22:14

Dze, mioyo yenu indaweza kuvumirira na mikono yenu kpwenderera kukala na nguvu ndiphokushuulikirani? Mimi Mwenyezi Mlungu nkaamba, nami nindavihenda.

Danieli 5:6

Phahi mfalume waangalala na usowe uchibadilika na mavwindige gachikakama kpwa wuoga.

Jeremia 26:12

Phahi Jeremia wagomba na nyo maofisaa na atu osi achiamba, “Mwenyezi Mlungu wanihuma nitabiri kuhusu nyumba ihi na mudzi uhu gosi mchigogasikira nagagomba.

Ezekieli 6:2

“Mwanadamu, loza usoo kulola myango ya Iziraeli, chisha utabiri chinyume chao,