Ezekieli 19:12 - Digo Bible

¹² Ela nyo muhi wangʼolwa kpwa tsukizi, uchibwagbwa photsi, matundage gachikutiswa ni phuto kula mlairo wa dzuwa, pandaze ndziho zichinyala, na sinare renye nguvu, richiphya na moho.

Ezekieli 19:12 Referans Kwoze

Hosea 13:15

Dzagbwe ndiye chiyeongokerwa kuriko nduguze, Mwenyezi Mlungu andahuma phepho kula mlairo wa dzuwa naro rindapiga kula weruni. Pulaze za madzi zindauma, visimavye vindauma. Nyumbaze za kuikira hazina zindavundzwa na vituvye vya samani vindahalwa.

Ezekieli 17:10

Vino, uchiphandwa tsona phatu phanjina undakula vinono? Dze, taundauma tsetsetse pho uriphophandwa ndiphopigbwa ni phuto ra kula mlairo wa dzuwa?’ ”

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Ezekieli 19:11

Naye wakala na panda za nguvu zirizofwaha kukala fwimbo za atawala na uchikala mure kushinda mihi yanjina, uchionekana kpwa urewe na unji wa pandaze.

Ezekieli 15:4

Hata, uho nkuhendwa kuni. Nao uchiphya pande zosi mbiri na pho kahi-kahi phachikala pharu, undafwaha kpwa rorosi?

Jeremia 31:28

Na dza nrivyokala muaminifu kukungʼolani, kukubomolani, kukubwagani, kukubanangani na kukugayisani, ndivyo ndivyokala kukuphandani na kukudzengani, Mwenyezi Mlungu anaamba.

Johana 15:6

Mutu asiyegbwirana nami, ni dza panda yokatwa ichiuma. Panda dza hizo nkutsolwa-tsolwa zikapigbwa iyi, chisha zikatiywa moho.

Mathayo 3:10

Hata vivi sambi uamuli wa Mlungu u tayari, dza mbadzo iriyo tayari kubwaga muhi. Chila muhi usiovyala matunda manono undakatwa utsuphiwe mohoni.”

Ezekieli 28:17

Moyoo wadzikarya kpwa sababu ya unonoo, uchibananga ulachuo kpwa sababu ya ngumayo. Phahi nákubwaga photsi, nchikufwenula mbere za afalume, aphahe kukuona.

Jeremia 22:30

Mwenyezi Mlungu anaamba, “Mutu yuyu muandike kukala kana mwana, mutu ambaye kandafwaulu maishage gosi; mana katika chivyaziche takuna ndiyefwaulu kusagarira chihi cha utawala cha Daudi, na kutawala tsona ko Juda.”

Zaburi 80:16

Mzabibuo ukatemwa na ukaochwa, kpwa kuademurira, atuo anaangamia.

Zaburi 52:5

Ela Mlungu andakuangamiza hata kare na kare andakugbwira akutuluze mwako nyumbani andakuusa, usiishi tsona tsi ya ario moyo.

2 Afalume 24:6

Jehoyakimu wafwa, na mwanawe Jehoyakini achitawala badalaye.

2 Afalume 23:34

Neko, mfalume wa Misiri wamuika Eliakimu mwana wa mfalume Josiya atawale badala ya ise Josiya, achimgaluza dzina achimuiha Jehoyakimu. Ela wamuusa Jehoahazi, achiphiya naye Misiri, ko kpwendafwerera.

2 Afalume 23:29

Wakati wa utawalawe, Neko, mfalume wa Misiri, waambuka kpwendapigana na mfalume wa Ashuru, ko muho wa Yufurati. Naye mfalume Josiya wakpwendapigana naye, ela Neko mfalume wa Misiri ariphomuona achimuolaga ko Megido.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Kumbukumbu 29:28

Naye Mwenyezi Mlungu, achiausa kula kpwenye tsi yao kpwa usiru na tsukizi nyinji, achiatsupha kpwenye tsi yanjina dza arivyo rero.’

Isaya 27:8

Mwenyezi Mlungu waatiya adabu chidide ariphoatsamiza kpwa lazima, avi anavyokukuswa ni phuto ra mlairo wa dzuwa.

Sonono za Jeremia 2:1

Mwenyezi Mlungu, akabwiningiza Sayuni na ingu ra tsukizize! Nyo unono wa Iziraeli akautsupha kula mlunguni hadi duniani naye kakatambukira chihiche cha kuikira magulu siku ya tsukizize.

Jona 4:8

Dzuwa ririphotuluka Mlungu achireha phepho ra dzoho kula mlairo wa dzuwa uchipiga. Dzuwa kali richimpiga Jona chidide afwe purungire achiamba, “Baha nifwe kabisa kuriko kukala moyo.”

Ezekieli 15:2

“Mwanadamu, mzabibu una unono wani kushinda mihi yanjina ya tsakani?