Ezekieli 16:49 - Digo Bible

⁴⁹ Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Ezekieli 16:49 Referans Kwoze

Ezekieli 28:2

“Mwanadamu, muambire mfalume wa Tiro, ‘Mwenyezi Mlungu anaamba hivi: Kpwa kukala una moyo wa kudziunula, nawe ukaamba, “Mimi ni mlungu ninasagarira chihi cha utawala cha milungu, kahi-kahi ya bahari,” ela u mutu tu, ku mlungu, dzagbwe unadzihenda kukala una ikima dza mlungu.

Zaburi 138:6

Dzagbwe Mwenyezi Mlungu ni mkpwulu, anajali anyonje, ela atu a roho mbii, nkuamanya kula kure.

Mwandzo 13:10

Lutu waona kukala dete ra muho Joridani rina madzi manji chila phatu hadi Soari, dza viratu munda wa Mwenyezi Mlungu ama tsi ya Misiri. Wakati hinyo Mwenyezi Mlungu kala kadzangbweangamiza midzi ya Sodoma na Gomora.

Luka 17:28

Hata siku za Lutu yakala vivyo piya, atu arya na kunwa, kuhenda bishara, kurima na kudzenga.

Danieli 5:23

Ela ukadziunula chinyume na Mwenyezi Mlungu wa mlunguni nawe ukareherwa miyo ya nyumba ya kuvoya Mlungu, chisha uwe, vilongozio, acheo na anachetuo mkainwerera uchi. Mukatogola milungu ya feza na zahabu, ya shaba, chuma na mawe, milungu isiyoona, kusikira wala kumanya. Ela ye Mlungu ambaye kuphuma kpwenu na njira zenu zi mwakpwe mkpwononi, tamukamuishimu.

Ezekieli 18:16

Iye kaonera mutu, kahala mzamana wala kafuta atu mali zao kpwa nguvu, ela nkuapha chakuryache atu ahirikao, nkuapha nguwo ario chitsaha,

Ezekieli 18:12

Piya nkuonera achiya na agayi na nkufuta atu mali zao kpwa nguvu. Nkukala kauyiza choikpwa mzamana ni myawe, nkuabudu vizuka, nkuhenda mambo ga kutsukiza,

Isaya 3:9

Nyuso zao zinashuhudiya chinyume chao, mana anahenda dambi chingʼangʼa bila kufwitsa dza Sodoma. Shaka hiro! Mana akadzirehera enye uyi.

Misemo 18:12

Moyo wa mutu nkudzikarya kabila kabadogbwa, ela upole nkuhenda mutu aishimiwe.

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Obadiya 1:3

Ko kudzikaryako mo mwako moyoni kukakuchenga uwe usagalaye kpwenye panga za myamba, na makalogo ga dzulu ya myango unadziamba, ‘Takuna mutu awezaye kunitsereza photsi bii.’

Danieli 4:30

iye waamba, “Uno si mudzi mkpwulu wa Babeli, ambao naudzenga kpwa nguvu zangu kpwa ajili ya nguma yangu ili ukale makalo gangu ga chifalume?”

Ezekieli 28:17

Moyoo wadzikarya kpwa sababu ya unonoo, uchibananga ulachuo kpwa sababu ya ngumayo. Phahi nákubwaga photsi, nchikufwenula mbere za afalume, aphahe kukuona.

Ezekieli 28:9

Dze, undaenderera kuamba, “Mimi ni mlungu,” mbere za nyo akuolagao? Uwe undakala mutu tu, si mlungu, mikononi mwa hinyo akuolagao.

Isaya 16:6

Hukasikira Moabu inavyodzikarya, irivyo na ngulu kutsupa chiasi, ela kudzikaryakpwe si chitu.

Misemo 21:13

Mutu aremaye kuphundza chiriro cha mchiya, iye naye andarira, ela kandasikizwa.

Misemo 21:4

Matso ga shobo na moyo wa ngulu na mambo mai, gosi higo ni dambi.

Misemo 16:18

Ngulu nkutanguliya kubanangika, na roho ya kudziunula ikatanguliya kugbwa.

Misemo 16:5

Chila mutu mwenye ngulu ni tsukizo kpwa Mwenyezi Mlungu. Kpwa kpweli mutu iye andatiywa adabu.

Kumbukumbu 32:15

Ela mwi atu a Iziraeli mwanona, halafu mchimpiga teke Mwenyezi Mlungu. Mwatiya mwiri sana, muchikala vitibwatibwa na mchinyinyiha halafu mchimricha Mwenyezi Mlungu ariyekuumbani, mchibera Mwamba wa wokofu wenu.

Mwandzo 19:9

Ela aho achiamba, “Hebu, huphise hipha njirani! Uwe u mjeni tu na kuweza kuhuambira ra kuhenda. Phahi, hundakuhenda vibaya kushinda aho ajenio.” Achimsukuma-sukuma sana Lutu, achisengera ili avundze mryango.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Ezekieli 18:7

Iye kaonera mutu ela nkumuuyizira mdeniwe mzamaniwe. Kafuta mutu maliye kpwa nguvu ela nkuaganyira andzala chakuryache na kuapha nguwo ario chitsaha.

Mwandzo 18:20

Chisha Mwenyezi Mlungu achimuamba Burahimu, “Mimi nkasikira malalamiko chinyume cha atu a Sodoma na Gomora mana dambi zao zikaenjerezeka sana.

Jakobo 5:5

Mwasagala duniani maisha ga raha na anasa. Mu dza nyama ambao anona na a tayari kpwa siku ya kutsindzwa.

Maono 11:8

Na hizo nyufu zao zindarichwa barabara ya mudzi mkpwulu, ambako Bwana wao wakotwa misumari msalabani. Na mudzi hinyo kpwa chiroho ni dza mudzi wa Sodoma na tsi ya Misiri.

Mwandzo 13:13

Ela atu a Sodoma kala ni ayi, na akala anamuhendera Mwenyezi Mlungu dambi nyinji.

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Isaya 1:10

Sikirani neno ra Mwenyezi Mlungu wehu mwi mtawalao Sodoma. Sikirani shariya za Mlungu wehu mwi atu a Gomora!

Jeremia 48:11

Hangu pho mwandzo, Moabu ikakala na amani, dza uchi uchiorichwa na siraye. Iye kakabiganywa kula mwiyo hadi wanjina, wala kadzangbwehalwa mateka. Kpwa hivyo mtswanowe uchere vivyo kula kare, na kunguye taidzangbwegaluka.

Ezekieli 16:46

Mvyereo mchetu kala ni Samariya, ariyesagala na anae achetu uphandeo wa vurini. Na mdideo mchetu kala ni Sodoma, ariyesagala na anae achetu uphandeo wa mwakani.

Ezekieli 23:42

Na sauti za atu ario hererwa zakala phamwenga namwi na phamwenga na atu asio na adabu na alevi kula jangbwani. Achikuvwikani bangili mikononi na tadzi nono mwenu vitswani.

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’