Ezekieli 16:33 - Digo Bible

³³ Chila malaya nkuriphiwa, ela we ukuripha azembeo na kuahonga ili edze kula chila uphande wedze uzinge nao.

Ezekieli 16:33 Referans Kwoze

Isaya 57:9

Waphiya kpwa Moleki na mafuha ga zaituni, uchienjereza marashigo. Uchihuma ajumbeo aphiye kure, na uchidzitsereza sana hadi kuzimu.

Luka 15:30

Ela yuno mwanao yehumira maliyo ovyo ovyo na malaya, achiphokpwedza, ukamtsindzira mwana ngʼombe wa kunona!’

Mika 1:7

Vizukavye vyosi vya kutsongbwa vindavundzwa vipande-vipande, zawadize zosi za nyumba ya kuvoya Mlungu zindatiywa moho. Nindabananga vizukavye vyosi. Mana wakusanya zawadize zosi kula kpwa maripho ga umalaya, nazo zindahumika tsona kuripha maripho ga umalaya.”

Joeli 3:3

Aaganya atu angu kpwa kupiga kura. Aguza avulana ili kuriphira malaya, na achiguza asichana ili agule uchi wa zabibu anwe.

Hosea 2:12

Iyo mizabibuye na mitiniye, ambayo mwenye waamba, ‘Ihi ni maripho gangu nrigoriphiwa ni azembe angu,’ ndaibananga. Nindaihenda ikale tsaka, na matundage gariwe ni nyama a tsakani.

Ezekieli 16:41

Aho andaocha nyumbazo na akutiye adabu mbere za achetu anji. Nindakuhenda uriche kukala malaya na nkuhende uriche kuhonga azembeo.

Isaya 30:3

Phahi hinyo urindzi wa Farao undakutiyani waibu, na kuadamira kpwenu pepho ya Misiri kundakuhendani mkale chitu cha kuberwa.

Ezekieli 16:32

Uwe u dza mchetu amendzaye kulala na alume anjina kuriko kulala na mlumewe mwenye.

Ezekieli 16:34

Phahi kuzingako kutafwauti na achetu anjina kpwa kukala taphana akulungaye, uwe ndiwe ulungaye azembeo na badala ya aho kukuripha, we ukuaripha.

Jeremia 2:24

dza foro ye bara weruni anaye nusa-nusa kpwa tamaa. Ni ani awezaye kumzuwiya wakati ana mkpwatyo? Chila punda mlume amlondaye kaphaha shida wakati wa mkpwatyo andamphaha.