Danieli 6:20 - Digo Bible

²⁰ Ariphofika phephi, wamuiha Danieli kuno ana wasiwasi achiamba, “Ee Danieli, mtumishi wa Mlungu ariye moyo, dze, ye Mlunguo umuhumikiraye siku zosi akaweza kukutivya na nyo simba?”

Danieli 6:20 Referans Kwoze

Aeburania 7:25

Kpwa hivyo ana uwezo wa kutivya hata kare na kare mutu yeyesi edzaye kpwa Mlungu kutsupira iye, naye anaavoyera wakati wosi.

Danieli 6:27

Iye nkukombola na kutivya, iye nkuhenda ishara na vilinje ko mlunguni na duniani, iye akativya Danieli kula kpwa nguvu za simba.”

1 Nyakati 16:11

Muendzeni Mwenyezi Mlungu na nguvuze chila wakati londani kukala aripho iye.

Danieli 6:16

“Ndipho mfalume achilagiza Danieli arehwe, na achitsuphiwa ndani ya dibwa ra simba. Mfalume achimuamba Danieli, ‘Ye Mlungu umuhumikiraye siku zosi naakutivye!’ ”

Danieli 3:17

Ichikala undahutsupha chumba cha mohoni mkali, Mlungu wehu humuhumikiraye anaweza kuhutivya na nyo moho mkali, naye andahuokola kula mwako mikononi, uwe mfalume.

Jakobo 1:25

Ela mutu achilolato shariya isiyo na lawama yiikayo atu huru, iye andajaliwa ichikala andavumirira na kuphundza iyo shariya bila ya kuyala arirorisikira.

2 Akorintho 1:10

Akahutivya na hatari ya chifo, naye andahutivya, tsona hunakuluphira kukala Mlungu andaenderera kuhutivya.

Luka 18:1

Alafu Jesu waatsuphira anafundzie ndarira kuafundza kala ni lazima atu avoye Mlungu chila wakati na asikate tamaa.

Luka 1:37

Mana kpwa Mlungu takuna rorosi risirowezekana.”

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Danieli 3:15

Vivi mndiphosikira sauti za magunda, vivoti, mazeze, vinanda, ngephephe, ndzumari na aina zosi za vifwaya, gbwani na muabudu cho chizuka nrichotengeza namwi mundakala salama. Ela msiphochiabudu, mundatsuphiwa ndani ya chumba cha moho mkali mara mwenga. Vino ni mlungu yuphi awezaye kukuokolani kula mwangu mikononi?”

Jeremia 32:17

“Aa, Mwenyezi Mlungu! Uwe ndiwe uriyeumba mlunguni na duniani kpwa uwezoo mkpwulu na mkpwonoo wenye nguvu! Takuna gumu ambaro kuriweza.”

Zaburi 73:23

Hata hivyo ni phamwenga nawe siku zosi, ee Mlungu! Uwe ukanigbwira mkpwono wangu wa kulume.

Isabu 11:23

Mwenyezi Mlungu achigomba na Musa, achimuuza, “Vino unaona siweza kukuphani nyama? Phahi undaona ichikala neno rangu tarindatimiya.”

Mwandzo 18:14

Dze, kuna utu wani ambao tauwezekana kpwa Mwenyezi Mlungu? Kama nchivyoamba, nindauya tsona mwaka wedzao wakati nchiopanga, na Sara andakala ana mwana mlume.”

Juda 1:24

Naatogolwe iye awezaye kukurindani sedze mukagbwa chiroho ili akureheni mbereze hiko mlunguni. Phapho mbere za Mwenyezi Mlungu mundakala na raha mana mundakala tamuna dowa wala makosa.

2 Timothi 1:12

Ndiyo mana ninagaya, ela siona waibu. Mana nammanya hiye nriyemkuluphira, tsona nina hakika andarinda iyo habari nono ariyoniikira mwangu mikononi hadi siku iyo ya mwisho.

Akolosai 4:2

Endererani kuvoya Mlungu chila mara, na muchikala munavoya kalani na chituwo, na mumshukuru Mlungu sana.

Arumi 2:7

Mlungu andaapha uzima hinyo anaodinisa kuhenda manono, kpwa sababu anaendza nguma na ishima kula kpwa Mlungu, na piya uzima wa kare na kare.

Mahendo 6:4

Ela swiswi enye hundadzishuulisha na kuvoya Mlungu na kazi ya kusemurira mafundzoge.”

Zaburi 146:2

Nindamtogola Mwenyezi Mlungu, maisha gangu gosi. Ndamuimbira sifwa Mlungu wangu muda wosi nrio moyo.

Zaburi 119:112

Moyo wangu u tayari kulunga shariyazo hata kare na kare.

Danieli 6:19

Kuriphocha, mfalume wafululiza hadi ko kpwenye ro dibwa ra simba.

Danieli 6:26

Ninalavya amuri kukala atu osi kahi ya ufalume wosi naamuogophe Mlungu wa Danieli na akakame mbereze. Mana ni Mlungu ariye moyo na anaishi ta kare na kare, ufalumewe taundabanangbwa, na mamlakage tagana mwisho.