Danieli 5:1 - Digo Bible

¹ Bada ya miaka minji, mfalume Belishaza wausira sharee vilongozie elufu mwenga na achinwa uchi phamwenga nao.

Danieli 5:1 Referans Kwoze

Esta 1:3

Katika mwaka wa hahu wa kutawalakpwe, waahendera sharee akulu na atumishie osi. Akulu a jeshi osi a Pashia na Medi na akulu osi a majimbo, phamwenga na atu a mbari ya chifalume kala a phapho.

Isaya 22:14

Mwenyezi Mlungu, Mlungu wa majeshi akagomba wazi, nami nkasikira na masikiro gangu: Iye akaamba, “Dambi hino taindaswamehewa hadi mundiphofwa.

Isaya 22:12

Siku iyo Mwenyezi Mlungu, Mlungu wa Majeshi walavya amuri kukala atu arire na kukala na sonono, anyolwe viphala na kuvwala magunia.

Nahumu 1:10

Dza miya ichiyolingana-lingana na mibuwa mifu, mwimwi alevi mundaochwa.

Jeremia 51:57

Nindaalewesa vilongozie na atue enye ikima, maliwalie, akulue a jeshi na anajeshie; andalala tsetsetse na taandalamuka, mfalume anaamba, ambaye dzinare ni Mwenyezi Mlungu, Mlungu wa majeshi.”

Jeremia 51:39

Ela wakati ana hamu kulu, nindaatayarishira karamu niaphe uchi alewe hata aimbe kpwa kuhamirwa chisha alale hata kare yedze, mimi Mwenyezi Mlungu nkaamba.

Mwandzo 40:20

Sambi, siku ya hahu mfalume kala anasherekeya sikuye ya kuvyalwa, waalika karamu atumishie osi. Achituluza jela mlavyadzi uchi mkpwulu na mkpwulu wa apishi na achiareha phara phokala phana atumishie.

Jeremia 50:35

Upanga naukale chinyume cha Akalidayo, Mwenyezi Mlungu anaamba, upanga naukale chinyume cha asagalao Babeli, na chinyume cha vilongozie na atue enye ikima!

Danieli 5:30

Usiku uho Belishaza, mfalume wa Kalidayo achiolagbwa.