Danieli 3:1 - Digo Bible

¹ Mfalume Nebukadineza watengeza chizuka cha zahabu chokala na chimo cha mita mirongo miiri na sabaa, na upana wa mita tahu. Achichiimisa tsi ya kugbwa ya Dura, iriyo jimbo ra Babeli.

Danieli 3:1 Referans Kwoze

Habakuki 2:19

Shauriye hiye achiambaye chizuka cha muhi “Unuka,” au chizuka cha dziwe “Lamuka” Vino chizuka chinaweza kulavya malagizo? Tachiphuma dzagbwe chikafwinikpwa na zahabu na feza.

Jeremia 16:20

Dze, mutu anaweza kudzitengezera milungu? Iyo si milungu bii!”

Isaya 46:6

Anjina nikutuluza zahabu kula mwao mikobani, na kupima feza kpwenye mizani, nkumuandika mfuli wa zahabu akatengezerwa chizuka, chisha akachisujudiya na kuchiabudu.

Hosea 8:4

Anatawaza afalume bila ya kunivoya ruhusa, achitsambula vilongozi bila ya kunimanyisa. Ahumira feza na zahabu zao kutengeza vizuka utu undioahenda aangamizwe.

Mahendo 19:26

Ela mwi enye munaona na kusikira vira mutu hiyu aihwaye Paulo anavyochenga-chenga atu. Anaamba kala milungu itengezwayo ni anadamu siyo milungu bii. Wagaluza atu anji himu Efeso, na hata jimbo zima ra Asia.

Mahendo 17:29

Kpwa vira hu ana a Mlungu, taifwaha kuhenda sura ya Mlungu ikale yaiga sanamu za zahabu, feza ama dziwe, vitu vyohendatsongbwa chiufundi ni binadamu.

Isaya 2:20

Siku iyo vyo vizuka vyao vya feza na vya zahabu ambavyo adzitengezera ili aviabudu, andavirichira kotso na manundu.

Zaburi 135:15

Milungu ya mataifa, ni ya feza na zahabu, yotengezwa ni anadamu.

1 Afalume 12:28

Phahi, mfalume wauza ushauri ayae, achitengeza ana ngʼombe airi a zahabu. Alafu waambira atu, “Ni kazi mbifu yo muhendayo ya kukpwera kuphiya Jerusalemu kpwenda-kpwenda kpwendavoya. Lolani mwino Aiziraeli, hino ndiyo milungu yenu iriyokutuluzani kula tsi ya Misiri!”

Danieli 5:23

Ela ukadziunula chinyume na Mwenyezi Mlungu wa mlunguni nawe ukareherwa miyo ya nyumba ya kuvoya Mlungu, chisha uwe, vilongozio, acheo na anachetuo mkainwerera uchi. Mukatogola milungu ya feza na zahabu, ya shaba, chuma na mawe, milungu isiyoona, kusikira wala kumanya. Ela ye Mlungu ambaye kuphuma kpwenu na njira zenu zi mwakpwe mkpwononi, tamukamuishimu.

Danieli 2:48

Ndipho ye mfalume achimupha Danieli cheo cha dzulu na zawadi kulu-kulu, achimuhenda akale liwali wa jimbo rosi ra Babeli na mkpwulu wa enye ikima osi.

Jeremia 10:9

inayopambwa na feza kula mudzi wa Tarishishi, na zahabu kula mudzi wa Ufazi. Vivyo vizuka ni kazi za mafundi na za afuli a zahabu, chisha nkuvwikpwa nguwo za kundu na za zambarau, zosi ni kazi za mafundi hodari.

Isaya 30:22

Alafu vizuka vyenu vya feza na zahabu mundaviona dza najisi na kuvitsupha dza mademu ga nongo.

Kumbukumbu 7:25

Ochani milungu yao ya vizuka. Msiaze feza wala zahabu zovwikpwa milungu yao, wala msizihale mkazihenda zenu. Kuhenda hivyo ni muhego kpwenu na ni dzambo rinaromtsukiza Mwenyezi Mlungu, Mlungu wenu.

Kutsama 32:31

Phahi Musa wauya kura mwangoni kpwa Mwenyezi Mlungu na achendaamba, “Atu hinya akahenda dambi kulu sana. Akadziumbira milungu ya zahabu.

Kutsama 20:23

Haya phahi, sedze mkadzitengezera milungu yanjina ya feza na ya zahabu mkanitsanganya nayo.

Maono 9:20

Anadamu ambao taayafwa na gara mashaka gopiga atu, taayatubu akaricha kuabudu vizuka arivyovitengeza enye. Kpwa hivyo taayaricha kuabudu pepho na vizuka arivyotengeza na zahabu, feza, shaba, mawe na mbao. Na hata vitu vyosi vivi ni vitu ambavyo taviona, tavisikira wala tavinyendeka.

Danieli 3:30

Phahi mfalume achiapandiza vyeo Shediraka, Meshaki na Abedinego ko jimbo ra Babeli.

Esta 1:1

Katika utawala wa Pashia, kpwakala na mfalume mmwenga ariyekala achiihwa Ahasuero. Ahasuero hiyu watawala majimbo gana na mirongo miiri na sabaa, kula India hadi Kushi.

Danieli 3:14

Nebukadineza achiaambira, “Vino mwi ano Shediraka, Meshaki na Abedinego, ni kpweli kukala tamuhumikira milungu yangu wala kuabudu cho chizuka cha zahabu nrichochiimisa?

Danieli 5:4

Anwa uchi kuno anatogola milungu yotengezwa na zahabu, feza, shaba, chuma, mihi na mawe.

Hosea 2:8

Iye kamanyire kukala, mimi mwenye ndimi nriyemupha nyo mtsere, uchi na mafuha. Chisha kamanyire kukala yo feza na zahabu, ariyoihumira kumuabudu Baali, ndimi nriyemupha.

Danieli 2:49

Danieli wamvoya mfalume aahende Shediraka, Meshaki na Abedinego kukala aimirizi a mambo gosi ga jimbo ra Babeli, ela Danieli achisala dzumbani mwa mfalume.