Danieli 11:8 - Digo Bible

⁸ Chisha andahala milungu yao, vizuka vyao vya chuma na miyo yao ya samani ya feza na ya zahabu. Andaikusanya aphiye nayo Misiri. Kpwa muda wa miaka fulani, ye mfalume wa mwakani kandashambuliya mfalume wa vurini.

Danieli 11:8 Referans Kwoze

Isaya 37:19

Atsupha milungu yao mohoni na kuibananga-bananga kpwa sababu kala siyo milungu ya kpweli, ela kala ni vizuka vya mihi na mawe vyotsongbwa ni anadamu.

Hosea 13:15

Dzagbwe ndiye chiyeongokerwa kuriko nduguze, Mwenyezi Mlungu andahuma phepho kula mlairo wa dzuwa naro rindapiga kula weruni. Pulaze za madzi zindauma, visimavye vindauma. Nyumbaze za kuikira hazina zindavundzwa na vituvye vya samani vindahalwa.

Hosea 8:6

Chizuka chichi chatengezwa Iziraeli, chatengezwa ni fundi wenu, nacho si Mlungu. Chizuka cha mwana ndzau cha Samariya, chindavundzwa vipande-vipande.

Danieli 10:3

Siyarya chakurya chinono wala nyama, siyanwa uchi na siyadzipaka mafuha hadi zo wiki tahu ziriphosira.

Jeremia 46:25

Mwenyezi Mlungu, Mlungu wa majeshi, Mlungu wa Iziraeli waamba, “Lola, nindamtiya adabu Amoni, mlungu wa Thebesi, Farao, Misiri na milunguye na afalumee na aho akuluphirao Farao.

Isaya 2:16

chinyume na meli zosi za Tarishishi na chila chombo chinono.

Aamuli 18:24

Naye Mika wajibu achiamba, “Mwimwi mkahala mlavyadzi-sadaka wangu na milungu yangu yodzitengezera, haya vino mkanisazirani? Chisha hangbwe munaniuza, ‘Kuna tabu yani?’ ”

Kumbukumbu 12:3

Bomolani mwatu mwao mwa kulavira sadaka na kuvundza-vundza nguzo zao anazoziabudu. Vitiyeni moho vyo vizuka vya mlungu wao aihwaye Ashera na mvundze-vundze vizuka vyao vya kutsongbwa, msisaze chochosi cha kuhenda vitambukirwe.

Isabu 33:4

Amisiri ariphokala anazika ana aho alume a kpwandza ariokala akaolagbwa ni Mwenyezi Mlungu, mana Mwenyezi Mlungu kala akaamula milungu yao.

Kutsama 12:12

“Usiku hinyo-hinyo nindazunguluka tsi yosi ya Misiri, niolage ana avyere osi a chilume a anadamu na a nyama. Nindaitiya adabu milungu yosi ya Misiri, mana mimi, ndimi Mwenyezi Mlungu.

Mwandzo 31:30

Namanya ukachimbira kpwa kuaza kpwenu kpwa sowe, ela mbona waiya milungu yangu?”

Danieli 11:9

Badaye ye mfalume wa vurini andaphiya kpwendashambuliya ufalume wa mwakani, ela andauya nyuma aphiye tsi ya kpwao.

2 Samueli 5:21

Afilisti aricha vizuka vyao phapho, na Daudi na atue achivihala achiuka navyo.