Ayubu 9:6 - Digo Bible

⁶ Iye asumbisaye dunia na kuyuusa kula phatuphe na kuhenda nguzoze zikakame.

Ayubu 9:6 Referans Kwoze

Aeburania 12:26

Wakati hinyo, Mlungu ariphogomba, sautiye yasumbisa dunia. Ela vivi walaga achiamba, “Ndasumbisa dunia tsona, ela safari ihi sindasumbisa dunia macheye, ndasumbisa hata ko mlunguni.”

Hagai 2:6

“Mana Mwenyezi Mlungu, Mlungu wa majeshi anaamba, ‘Bado muda mchache tu nindasumbisa tsona mlungu na dunia, bahari na tsi kavu.’

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Zaburi 75:3

Tsi ichisumba na vyosi virivyo himo, mimi ndimi ninayedinisa nguzoze.

Isaya 2:19

Atu andazorera pangani hiko myambani na madibwa ga kudzifwitsa, kpwa sababu ya kutisha kpwa Mwenyezi Mlungu na nguma ya endziye, pho ndiphounuka kusumbisa dunia.

Ayubu 26:11

Nguzo za mlunguni nkukakama, na kuangalala kpwa kudemurirwa ni Mlungu.

Hagai 2:21

“Gomba na Zerubabeli liwali wa Juda umuambe, ‘Ni phephi na kuhenda mlunguni na dunia kusumbe.

Zaburi 114:7

Kakama mbere za Mwenyezi Mlungu, uwe dunia, kakama mbere za Mlungu wa Jakobo,

Maono 20:11

Chisha náona Mlungu asegere chihiche chikulu tsona chereru. Mlunguni na tsi kuchiyaya mbereze na takuyaonekana tsona.

Joeli 2:10

Dunia nkusumba na mlunguni kukakakama mbere zao, dzuwa na mwezi nkufunga jiza na nyenyezi zikakosa kungʼala.

Jeremia 4:24

Nálola ko myangoni, yo myango kala inasumba, na vyo vidzango vinanema hiku na hiku.

Isaya 24:1

Lola, Mwenyezi Mlungu akaihenda dunia ikale tuphu. Anaihenda chiya, anaipendula na kutsamula asagalao mumo.

1 Samueli 2:8

Nkumuunula mchiya kula vumbini, nkumkpweza mgbwayi kula dzalani, ili aasagike phamwenga na akulu, achirisi chihi cha endzi cha utukufu; Kpwa mana nguzo za dunia zina Mwenyezi Mlungu, naye wauika ulimwengu dzuluye.

Zaburi 114:6

Mwi myango, mbona mwatina-tina dza maturume? Namwi vidzango mwatinadze dza vidzana turume?