Ayubu 7:21 - Digo Bible

²¹ Kpwa utu wani kuswamehe uasi wangu na kuusa uyi wangu? Mana muda mchache wedzao ndalala na kogo, na uchiniendza, kundaniona.”

Ayubu 7:21 Referans Kwoze

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Ayubu 10:14

Kala unagodzera unione ichikala ndahenda dambi, ili ureme kuniswamehe makosa gangu.

1 Johana 1:9

Ela huchikubali na kumuambira Mlungu kala huna dambi, phahi kpwa vira ni muaminifu na wa haki, andahuswamehe na kuuhusira uyi wehu wosi.

Isaya 64:9

Usitsukirwe sana, ee Mwenyezi Mlungu, usitambukire dambi zehu hata kare na kare. Hunakuvoya uhulole, mana swiswi hosi hu atuo.

Muhubiri 12:7

Mana hipho ndipho vumbi rindauya mtsangani na roho imuuyire Mlungu ariyeiumba.

1 Johana 3:5

Ela mwimwi mnamanya kukala Jesu wakpwedzausa dambi zenu, ela ye mwenye kana dambi yoyosi.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

Johana 1:29

Siku ya phiriye Johana waona Jesu anatsoloka, naye Johana achiamba, “Hiyu ndiye Mwana ngʼondzi wa Mlungu ausaye dambi za atu osi!

Hosea 14:2

Muuyireni Mwenyezi Mlungu, ndzoni mumvoye mumuambe, “Huswamehe dambi zehu zosi. Na uhuphokere kpwa mbazizo ili hukulavire sadaka za togo kpwa kanwa zehu.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Zaburi 103:15

Ela maisha ga mwanadamu, ni dza nyasi tu: nkukula na kusitawi dza ruwa ra mundani,

Zaburi 37:36

badaye nátsupa tsona na phapho ela achikala kapho! Námuendza ela wapi, siyamuona.

Ayubu 17:14

Ichikala nindaiha mbira, ‘Uwe u baba,’ na kuamba bulu, ‘Uwe u mayo’ au ‘Uwe u mwenehu mchetu,’

Ayubu 10:9

Tambukira waniumba na ulongo, vino undaniuyiza mtsangani tsona?

Ayubu 7:8

Ye anionaye vivi kandaniona tsona, undaniendza, ela ndakala siko.

Ayubu 3:13

Mana ningekala nirere kpwa amani ningekala nirere, ningekala naoya

2 Samueli 24:10

Ela bada ya kuaolanga hinyo atu wakala na wasiwasi sana moyoni. Ndipho achimuambira Mwenyezi Mlungu, “Nchigohenda ni dambi kulu sana ela phahi nakuvoya, ee Mwenyezi Mlungu, uniswamehe mimi mtumishio kpwa mana nkahenda dzambo ra chizuzu sana.”

Ayubu 8:1

Chisha Bilidadi kula Shuwa achimjibu Ayubu achiamba,

Ayubu 9:28

bado ningeogopha go mashaka ganiphahago, mana namanya kundaniolanga kukala sina lawama.

Ayubu 13:19

Ni ani ndiyenipinga? Mana wakati uho ndakala nkanyamala na kufwa.

Ayubu 27:19

Atu ayi nkulala matajiri, ela angʼazapho matso, utajiri wao taupho.

Ayubu 33:9

Uwe unaamba, ‘Mimi ni swafi, sina dambi, sina ila wala uyi.

Ayubu 14:10

Ela mwanadamu nkufwa nao ukakala mwishowe, nkudosa roho, na ikakala ndio mwisho.

Ayubu 20:8

Andayalwa dza ndoso na kandaonewa tsona, andafutika dza ruwiya ya usiku.