Ayubu 7:11 - Digo Bible

¹¹ Kpwa hivyo sindanyamala, nindagomba dzagbwe roho yangu inarumira, nindalalamika kpwa sonono ya rohoni.

Ayubu 7:11 Referans Kwoze

Zaburi 40:9

Nkatangaza hakiyo kahi za mkpwutano wa atuo, siyafunga mromo wangu, uwe Mwenyezi Mlungu, unamanya.

Ayubu 10:1

Ninabera maisha gangu, kulalama kpwangu ndakugomba chingʼangʼa, ndagomba utsungu wangu wosi wa moyoni.

1 Samueli 1:10

Hana kala ana sonono sana mwakpwe moyoni, achimvoya Mwenyezi Mlungu kuno anarira sana.

Isaya 38:17

Kpwa kpweli kala nateseka kpwa fwaida yangu Ukanitivya na kaburi kpwa mendzwayo kpwa kukala ukaniswamehe dambi zangu.

Isaya 38:15

Vivi sina ra kugomba; Iye wagomba nami, na iye mwenye akahenda higa. Siphaha usingizi tsona, kpwa sababu maisha gangu gakaodzala utsungu.

Ayubu 21:25

Wanjina nkufwa na fundo ra moyo, wakati bado kadzangbwetata manono gogosi.

2 Akorintho 2:4

Simendzere kukusononesani kpwa baruwa iyo ambayo nákuandikirani na tabu sana, sonono ya moyo, tsona na matsozi manji. Ela nálonda mmanye vira ninavyozidi kukumendzani.

Luka 22:44

Ela wasikira utsungu sana rohoni na achivoya Mlungu kpwa chadi zaidi. Achituluka jasho, na richitwena photsi dza matone makulu ga mlatso.

Ayubu 16:6

Hata nchigomba chisha sonono yangu taisira, na hata nchinyamala chisha takuniphunguzira sonono.

Ayubu 13:13

Nyamalani, nirichani nigombe, ganiphahe ndigoniphaha.

Ayubu 10:15

Ni shaka rangu ichikala ni mui! Hata napho nina haki, siweza kuunula chitswa changu, mana ni tele waibu na nahoha kahi ya mateso.

Ayubu 6:26

Munaona munaweza kulavya makosa maneno gangu? Na kuhenda maneno ga mutu achiyekata tamaa kukala dza phepho?

Mwandzo 42:21

Chisha abisha nyo enye kpwa enye achiamba, “Kpweli hunatiywa adabu kpwa sababu ya hurivyomuhendera mwenehu wehu. Mana hwamuona vira arivyosononeka phohuvoya humrichire, ela tahuyamphundza; na ndiyo tabu hino huiphahayo.”

Zaburi 39:3

moyo wangu waaka moho mwangu ndani nirivyozidi kuririkana ndivyo urivyozidi kuaka moho, ndipho nchigomba nchiamba:

Ayubu 9:27

Ichikala ndaamba, ‘Nindaricha kulalama nilalamikako, nindausa sonono na nkale mwenye raha,’

Ayubu 23:2

“Hata vivi rero ncherelalamika kpwa sonono, dzagbwe naula, ela anaenderera kunitiya adabu.

Ayubu 36:21

Dzimanyirire, usigalukire uyi, mana uwe ukautsambula kuriko kugaya.