Ayubu 6:21 - Digo Bible

²¹ Mwimwi namwi munaonekana tamundaniterya, munaona vyo niturikavyo, namwi munaogopha.

Ayubu 6:21 Referans Kwoze

Zaburi 38:11

Asena angu na ayangu akanitenga kpwa sababu ya mateso gangu abari angu piya a kure nami.

2 Timothi 4:16

Niriphokala nadzikanira kano ya kpwandza kotini, takuna hata mutu mmwenga ariyekala uphande wangu. Atu osi aniricha machiyangu, ela navoya Mlungu aaswamehe!

Mathayo 26:56

Ela gosi higa gahendeka ili ritimiye rira neno ra Mlungu rogombwa ni manabii.” Hipho anafundzie osi amricha achichimbira.

Mathayo 26:31

Chisha Jesu waambira anafundzie, “Usiku uhu wa rero mwimwi mosi mundakala na wasiwasi nami na kuniricha, mana Mlungu anaamba kpwenye Maandikoge, ‘Nindampiga mrisa, nago mangʼondzi gandatsamukana.’

Jeremia 51:9

Hungemphoza Babeli, ela kaweza kuphola. Nahumricheni, chila mutu naauye kpwao, mana hukumuye ikafika mlunguni, na ikaunulwa hata ko mainguni.

Isaya 2:22

Usimkuluphire mwanadamu, ambaye si chochosi dza pumuzi. Vino mwanadamu andakuterya na utu wani?

Misemo 19:7

Mchiya nkuzirwa ni nduguze, na asenae nkumchimbira tse! Hata achiarai taamuphundza!

Zaburi 62:9

Anadamu osi ni dza mseho, osi avyere kpwa adide, taafwaha chitu. Tsona uchiapima mkpwotse wao taufika hata kilo mwenga, osi phamwenga achipimwa mkpwotse wao taufika hata wa pumuzi.

Ayubu 13:4

Ela mwi munaniziga na maneno ga handzo, mwimwi mosi mu aganga msiofwaha chitu.

Ayubu 6:15

Enehu taakuluphirika dza vidzuho, dza vidzuho vifurikavyo na vikanywa.

Ayubu 6:22

Dze, nákuambirani rini, muniphe zawadi au, mulavye seemu ya mali yenu kpwa ajili yangu?

Ayubu 19:19

Asena angu osi a kurya na kuusa akanitsukirirwa, nriokala naamendza, akanitsamalala.