Ayubu 5:11 - Digo Bible

¹¹ Iye nkuunula ario anyenyekevu, na aho asononekao nkuongokerwa na akakala salama.

Ayubu 5:11 Referans Kwoze

1 Petero 5:10

Ela bada ya mwimwi kugaya kpwa muda, Mlungu andakpwedzarekebisha chochosi chophunguzwa, akutiyeni moyo, na kukuphani mkpwotse. Iye ni Mlungu wa mbazi zosi yekuihani mphahe nguma phamwenga na Jesu hata kare na kare.

Luka 6:21

Baha mwimwi mhirikao na ndzala sambi, mana mundamvuniswa! Baha mwimwi mrirao sambi, mana mundatseka!

Ezekieli 17:24

Na mihi yosi ya weruni indamanya kukala mimi Mwenyezi Mlungu nkubwaga muhi mure na kuuhenda muhi mdide ukale mure. Nkuhenda muhi muitsi uume na muhi mufu uwande. Mimi Mwenyezi Mlungu nkaamba na ndagahenda!’ ”

Zaburi 113:7

Iye nkuunula achiya kula vumbini na kukpweza agayi kula dzalani,

Zaburi 107:41

Ela achiya nkuaunula akaausa kpwenye mateso gao, na kuahenda atu aho akale dza vyaa vya mangʼondzi.

Kumbukumbu 33:27

Mlungu wa kare na kare ndiye chimbiriro renu; na mikonoye ya nguvu inaativya. Waazola maadui mbere zenu; waamba, ‘Aangamizeni.’

Jakobo 1:9

Mwi achiya ambao mu afuasi a Jesu, hererwani, mana Mlungu anakufikiriyani sana na anakuikani phatu pha ishima.

Zaburi 91:14

Mlungu anaamba, “Nindaokola iye animendzaye, nindarinda iye amanyaye dzina rangu!

1 Petero 1:3

Nahumtogoleni Mlungu ambaye piya ni Isengbwa wa Bwana wehu Jesu Masihi. Mana kpwa mbazize nyinji wahuhenda huvyalwe mara ya phiri, na vivi huna hakika kukala hundaishi na Mlungu hata kare na kare kpwa sababu wamfufula Jesu Masihi.

Ayubu 22:29

Mana Mlungu nkuatsereza enye kudzikarya, ela nkutivya anaodzitsereza.

Ayubu 36:7

Iye kausa matsoge kpwa enye haki, ela nkuasagika kpwenye vihi vya utawala phamwenga na afalume na nkuahenda aishimiwe ta kare na kare.

Ayubu 8:7

Dzagbwe mwandzo maishago kala si manono, maishago ga mbereni gandakala manono sana.