Ayubu 42:2 - Digo Bible

² “Ninamanya unaweza kuhenda chila chitu, na rorosi uchirokusudiya kurihenda taphana wa kurizuwiya.

Ayubu 42:2 Referans Kwoze

Mathayo 19:26

Ela Jesu waalolato na achiamba, “Dzambo hiri tariwezekana kpwa anadamu, ela kpwa Mlungu chila chitu chinawezekana.”

Mariko 10:27

Ela Jesu waalolato na achiamba, “Dzambo hiri tariwezekana kpwa anadamu, ela kpwa Mlungu ni chitu chidide. Kpwa Mlungu chila chitu chinawezekana.”

Mwandzo 18:14

Dze, kuna utu wani ambao tauwezekana kpwa Mwenyezi Mlungu? Kama nchivyoamba, nindauya tsona mwaka wedzao wakati nchiopanga, na Sara andakala ana mwana mlume.”

Jeremia 32:17

“Aa, Mwenyezi Mlungu! Uwe ndiwe uriyeumba mlunguni na duniani kpwa uwezoo mkpwulu na mkpwonoo wenye nguvu! Takuna gumu ambaro kuriweza.”

Isaya 46:10

Kula pho mwandzo nátabiri ndigokpwedzahendeka, pho kare nátangaza mambo ndigohendeka. Náamba kukala mipango yangu indafwaulu, nami ndahenda gosi nrigokusudiya kugahenda.

Aefeso 1:11

Vitu vyosi vinahendeka kulengana na mpango na uamuzi wa Mlungu. Naye wakata shauri chimbere kuhutsambula hukale atue kpwa kuhuunganisha na Jesu.

Zaburi 44:21

dze, Mlungu kangegamanya? Mana iye anamanya siri za moyoni.

Misemo 19:21

Moyo wa mwanadamu una mipango minji; ela ropangbwa ni Mwenyezi Mlungu ndiro rikalaro.

Ayubu 23:13

Ela kabadilika ngʼo, ni ani awezaye kushindana naye? Iye nkuhenda cho alondacho.

Isaya 14:27

Kpwa kpweli Mwenyezi Mlungu, Mlungu wa majeshi akaamua kuhenda hivi ni ani awezaye kumzuwiya? Mkpwonowe wa nguvu u tayari kupiga, ni ani awezaye kuuzuwiya?

Danieli 4:35

Osi asagalao duniani taaonewa dza chitu, naye nkuhenda amendzavyo kahi ya viumbe vya mlunguni na kahi ya viumbe vya duniani. Taphana awezaye kumpinga wala kumuuza, “Ukahendani?”

Isaya 43:13

Ndimi Mwenyezi Mlungu siku zosi hata kare na kare. Takuna awezaye kutivya nriyemtiya mkpwononi. Nihendapho kazi taphana wa kunizuwiya.”

Muhubiri 3:14

Ninamanya kukala chila chitu Mlungu ahendacho chindadumu ta kare na kare. Takuna chinachoweza kuenjerezwa au kuphunguzwa. Mlungu wagahenda gakale vivyo ili atu amuogophe.

Zaburi 139:2

Unanimanya nisagalapho na niunukapho; unamanya maazo gangu wakati u kure nami.

Luka 18:27

Achiaambira, “Risirowezekana kpwa mwanadamu, kpwa Mlungu rinawezekana.”

Mariko 14:36

Achiamba, “Baba, mambo gosi kpwako ganawezekana. Niusira mateso chigonilenga; bora isikale vira nimendzavyo mimi, ela ulondavyo uwe.”

Ezekieli 38:10

“ ‘Mwenyezi Mlungu anaamba hivi: Siku iyo undaphaha azo, nawe undapanga mpango mui.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

Johana 21:17

Wamuuza tsona kano ya hahu, “Simoni, mwana wa Johana, unanimendza?” Petero wasikira utsungu kpwa kuuzwa kano tahu, “Unanimendza?” Naye achiamba, “Bwana, unamanya chila chitu, mana hata we mwenye unamanya kala nakumendza.” Jesu achimuamba, “Risa mangʼondzi gangu.

Ayubu 25:2

“Endzi na kuogofya ni kpwa Mlungu, iye nkuika amani ko kpwakpwe dzulu mlunguni.

Ayubu 42:1

Phahi Ayubu wamjibu Mwenyezi Mlungu achiamba,

Zaburi 135:6

Mwenyezi Mlungu anahenda rorosi alondaro, mlunguni na duniani, baharini na katika vivwa vyosi.

Danieli 4:32

Undazolwa uphiye kure na anadamu nawe undaishi na nyama a tsakani. Undarya nyasi dza ngʼombe kpwa miaka sabaa hadi umanye kukala iye Ariye Dzulu anatawala falume zosi za anadamu, na nkumupha utawala mutu amlondaye.”