Ayubu 40:11 - Digo Bible

¹¹ Onyesa tsukizizo nyinji, umlole adzikpwezaye, umtsereze.

Ayubu 40:11 Referans Kwoze

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Isaya 2:17

Kudzikarya kpwa mwanadamu kundatserezwa na kudzikudula kpwa anadamu kundauyizwa photsi. Mwenyezi Mlungu macheye ndiye ndiyetogolwa siku hiyo,

Nahumu 1:6

Ni ani awezaye kushindana na tsukizize? Ni ani awezaye kuvumirira usiruwe? Nkumwaga tsukizize kali dza moho, na nkuhenda myamba ikaahuka vipande-vipande.

Jakobo 4:6

Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Ezekieli 28:2

“Mwanadamu, muambire mfalume wa Tiro, ‘Mwenyezi Mlungu anaamba hivi: Kpwa kukala una moyo wa kudziunula, nawe ukaamba, “Mimi ni mlungu ninasagarira chihi cha utawala cha milungu, kahi-kahi ya bahari,” ela u mutu tu, ku mlungu, dzagbwe unadzihenda kukala una ikima dza mlungu.

Isaya 42:25

Kpwa sababu iyo achiatiya adabu kpwa tsukizize kali, achiaricha apigbwe vihani. Tsukizize zaaka chila uphande dza moho, ela taayaelewa wala taayagatiya manani.

Zaburi 144:6

Ngʼaza limeme uatsamule, jeza miviyo, uazorese.

Ayubu 27:22

Nkumpiga bila ya mbazi, wakati anajeza kuchimbira nguvuze.

Ayubu 20:23

Phapho ndiphomvuna, Mlungu andamtiya adabu, na tsukizize zimmwagikire dza mvula.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Kutsama 18:11

Vivi sambi ninamanya kukala Mwenyezi Mlungu ni mkpwulu kuriko milungu yosi yanjina. Waonyesa higa kpwa kuativya Aiziraeli na mateso ga Amisiri, ambao kala akaabera.”

Kutsama 15:6

Mkpwonoo wa kulume uwe Mwenyezi Mlungu una nguvu za nguma. Mkpwonoo wa kulume nkuvundza-vundza adui vipande-vipande.

Ayubu 4:9

Mlungu asohapho, aho nkubanangika, na achiphuma napho akatsukirwa aho nkuangamia.

Ayubu 21:30

kukala atu ayi andarichwa wakati wa mafwa na kutivywa siku ya tsukizi za Mlungu.

Isaya 22:19

Nindakufuta kazi, nawe undafutwa cheo urichonacho.’ ”

Isaya 23:9

Mwenyezi Mlungu, Mlungu wa majeshi ndiye yepanga njama hino ili kubananga ngulu zirehwazo ni iyo nguma ya Tiro na kuifya osi anaoishimiwa duniani.

Isaya 25:11

Nao andagolosa mikono yao kujeza kutuluka kula mo ndani dza vira mutu agolosavyo mikonoye ili aojorere. Mlungu andatsereza kudzikarya kpwao dzagbwe ana ujuzi.

Isaya 26:5

Iye nkutsereza ario na ngulu, nkubananga mudzi wa atu a kudzikarya, na kuhenda kutaze zivoromoke.

Jeremia 48:29

Hukasikira ko kudziunula kpwa Moabu, iye ana ngulu sana Hukasikira kuhusu kudzikudulakpwe, chiphuryeche na anavyodzilika mwakpwe moyoni.

Danieli 4:24

“Manaye ni hino ee mfalume: Ihi ni amuri ya ye ariye dzulu ambayo akailavya chinyumecho uwe bwana wangu, mfalume.

Nahumu 1:8

iye ndaangamiza maaduige na mafuriko makulu, naye nkuzoresa maaduige na kuaolaga.

Ayubu 9:5

Iye ausaye myango bila ya yo yenye kumanya, anaphoibomola kpwa tsukizize.

Zaburi 94:2

Unuka uwe muamuli wa dunia, atiye adabu anaodzikarya kulengana na kudzikarya kpwao.