Ayubu 4:9 - Digo Bible

⁹ Mlungu asohapho, aho nkubanangika, na achiphuma napho akatsukirwa aho nkuangamia.

Ayubu 4:9 Referans Kwoze

Ayubu 15:30

Iye kandachimbira ko jizani, dzuwa rindaihenda yo mitseye inyale, na pumuzi za Mlungu zindamphyera.

2 Athesalonike 2:8

Alafu yuya mui andamanyikana wazi, naye Bwana Jesu andakpwedza amuolage chirahisi kabisa kpwa uwezowe mkpwulu. Mana andakpwedza na mwanga mkpwulu na utukufu wa ajabu.

Isaya 30:33

Phatu pha kuochera lufu ra mfalume phatayarishwa hangu kare. Dibwa hiro ni pana tsona ra china. Phana kuni nyinji chizopangbwa kare. Mwenyezi Mlungu andaasa moho kpwa pumuziye dza moho wa chibiriti.

Isaya 11:4

Achiya na agayi andalamulwa na haki. Dunia indatiywa adabu kpwa nenore na atu ayi andaaolaga.

Maono 2:16

Phahi tubuni! Ela msiphotubu, nredza pha sambi nedze niapige hinyo atu na upanga wa mwangu mromoni.

Zaburi 18:15

Ndipho mikondo ya madzi ichioneka na misingi ya dunia ichifwenulwa kpwa kudemurirwa ni uwe Mwenyezi Mlungu, kpwa pumuzi za pulayo.

Ayubu 40:13

Azike mtsangani phamwenga, afungire ko kuzimu.

Ayubu 1:19

gafula, phuto kali kula jangbwani, rikapiga zo pembe ne za yo nyumba, ikaagbwerera, vivi anao akafwa. Mimi machiyangu ndimi nchiyetiya nami nkedzakurehera ujumbe huno.”

2 Afalume 19:7

Nindamtiya roho ya wasiwasi naye andasikira ndziyendziye na auye kpwao. Chisha ndamuhenda akaolagbwe kuko na upanga.’”

Kutsama 15:10

Ela wareha phutoro naro richipiga, nago madzi ga bahari gachiabwiningiza, aho azama vilindi vya bahari dza chuma chiziho cha risasi chizamavyo kpwenye madzi manji.

Kutsama 15:8

Wakuta pulayo, nago madzi gachidzipanga dzulu gachiima wima dza kuta. Vivwa vya madzi ga bahari vichiganda.

Ayubu 40:11

Onyesa tsukizizo nyinji, umlole adzikpwezaye, umtsereze.

Isaya 40:7

Nyasi nkunyala na maruwa gakagbwa, kpwa pumuzi ya Mwenyezi Mlungu. Kpwa kpweli atu ni nyasi.