Ayubu 4:6 - Digo Bible

⁶ Dze, kumuogopha Mlungu si kuluphiroro? Na kukala kuna lawama si tumainiro?

Ayubu 4:6 Referans Kwoze

Misemo 3:26

Kpwa mana Mwenyezi Mlungu andakala kuluphiroro, andakuepusha usedze ukagbwirwa ni muhego.

Misemo 14:26

Atu amuogophao Mwenyezi Mlungu ana kuluphiro ra kudina, na ana aho ana phatu salama pha kuchimbirira.

Ayubu 1:1

Kpwakala na mutu mmwenga ko tsi ya Usi, yeihwa Ayubu. Mutu iye kala kana lawama, kala ni mutu wa haki, yemuogopha Mlungu na kudzitenga na uyi.

Ayubu 17:15

kuluphiro rangu ri kuphi? Ni ani ndiyeona kuluphiro rangu?

Ayubu 16:17

Dzagbwe mikono yangu taidzangbwehenda fujo, na mavoyo gangu ga swafi.

1 Petero 1:13

Kpwa hivyo kalani atu a kufikiriya kabila ya kuhenda dzambo rorosi na mkale na chiasi. Kalani na tumaini ra wokofu wa Mlungu mndiophaha hipho Jesu Masihi ndiphokpwedzadzionyesa wazi.

Ayubu 13:15

Andaniolaga, nami sina kuluphiro, ela ndahehera mwendo wangu mbereze.

2 Afalume 20:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Hezekiya achirira sana kpwa utsungu.

1 Petero 1:17

Mlungu, ambaye munamuiha Baba, anahukumu atu osi kulengana na mahendo gao bila ubaguzi. Kpwa hivyo, muogopheni sana kpwa muda uhu ambao mchere sagala hipha duniani dza ajeni.

Zaburi 27:3

Hata nkazangirwa ni jeshi zima, moyo wangu taundahenda wuoga. Hata viha vichinigbwerera, bado nindamkuluphira Mlungu.

Zaburi 26:1

Ee Mwenyezi Mlungu, amula kukala sina makosa kpwa sababu nikaishi maisha gasigo ila na nkakukuluphira uwe bila ya kuyumba-yumba.

Isaya 33:6

Uwe ndiwe msingi unayehuhenda hukale imara wakati wosi. Ukuhutivya na kuhupha ikima ya kpweli na marifwa, na kukuogopha uwe Mwenyezi Mlungu ndicho chitu cha samani zaidi kpwehu.