Ayubu 38:8 - Digo Bible

⁸ Au ni ani ariyefungira bahari na miryango, wakati bahari iriphofurika kpwa nguvu dzulu ya tsi?

Ayubu 38:8 Referans Kwoze

Mwandzo 1:9

Chisha Mlungu achiamba, “Madzi garigo tsini ya mlunguni nagakusanyike phamwenga, na tsi kavu ionekane.” Na vichikala vivyo.

Jeremia 5:22

Kpwa utu wani tamuniogopha? Mimi Mwenyezi Mlungu nkaamba. Tamukakama mbere zangu? Mimi naika mtsanga ukale mphaka wa bahari, chizuwizi ambacho bahari taiweza kutsupa; dzagbwe maimbi nkpwedza kpwa nguvu ela tagatsapa hata gakavuma sana ela tagaweza kutsupa.

Misemo 8:29

Nákalapho hipho Mlungu ariphoyiikira miphaka bahari kusudi madzige gasivundze shariyaze. Nákalapho ariphoika misingi ya dunia.

Zaburi 33:7

Wakusanya madzi ga bahari achigaikira miphaka na vivwa achivifungira seemuye.

Ayubu 38:10

Mimi naikira bahari miphaka, miryango na magbwama ga kufungira.

Mwandzo 1:7

Sambi Mlungu achitengeza dari yoganya madzi gokala dzulu ya dari iyo na madzi garigo photsi. Na vichikala vivyo.

Ayubu 28:25

Ariphohenda phuto rihende nguvu, na kugapima go madzi,

Ayubu 38:9

Mimi ndimi nriyehenda maingu kukala vwazire, ndimi nriyeibwiningiza na chilungulungu cha jiza.

Zaburi 104:6

Chisha uchiitandya bahari dzuluye dza nguwo, nago madzi gachibwiningiza hadi virere vya myango.

Misemo 30:4

Ni ani ariyepanda mlunguni na kutserera photsi? Ni ani ariyefukanya phepho na fumbare? Ni ani ariyefunganya madzi bindoni? Ni ani ariyeimarisha pembe za dunia? Dzinare ndiye ani na mwanawe aihwadze? Niambira napho unammanya!

Isaya 40:12

Ni ani ariyepima madzi na fumbare, na kupima ko mlunguni na mikonoye? Ni ani ariyetiya vumbi ra dunia kpwenye pishi, au kuipima myango kpwa kuhumira ratili, na vidzango kpwa kuhumira mizani?

Zaburi 107:24

Aona mahendo ga Mwenyezi Mlungu, mahendo ga ajabu arigohenda mo vivwani.