Ayubu 38:28 - Digo Bible

²⁸ Dze, yo mvula ina mvyazi wa chilume? Au ni ani ariyevyala matone ga manena?

Ayubu 38:28 Referans Kwoze

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Zaburi 147:8

Iye nkufwinika mlunguni na maingu, tsi akaipha mvula, nkuhenda nyasi zimere dzulu ya vidzango.

Mathayo 5:45

ili mkale dza Sowe yenu ariye mlunguni. Mana nkuhenda dzuware riangʼarire atu anono na ayi, na mvula ikanya kpwa atu a haki na asio haki.

Amosi 4:7

“Chisha nchizuwiya mvula isinye kpwenu wakati kala bado miezi mihahu mguwe. Náhenda mvula inye mudzi mmwenga, na kuhenda mvula isinye mudzi wanjina. Munda mmwenga uphahe mvula na nyo munda ambao tauyaphaha mvula unyale.

Joeli 2:23

Hererwani mwi atu a Sayuni, pigani njerejere na muhamirwe ni Mwenyezi Mlungu, Mlungu wenu. Iye akakuonyesani mbazize kpwa kukureherani mvula ya vuri kpwa chipimo cha haki na ya mwaka dza irivyokala hangu mwandzo.

Hosea 14:5

Mimi nindakala dza manena kpwa Aiziraeli. Aho andabumula dza maruwa, mizi yao indagota dza mierezi ya Lebanoni.

Jeremia 10:13

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkuhenda limeme wakati wa mvula, na kureha phuto kula kpwenye nyumbaze za kuikira akiba.

Jeremia 5:24

Mwao mioyoni taamba, “Nahumuogopheni Mwenyezi Mlungu, Mlungu wehu, ahuphaye mvula kpwa wakatiwe, mvula za vuri na za mwaka na siku za kuvuna.”

Misemo 3:20

Kpwa marifwage vilindi vya madzi vyatsembuka, na maingu ganatweneza manena.

Ayubu 38:8

Au ni ani ariyefungira bahari na miryango, wakati bahari iriphofurika kpwa nguvu dzulu ya tsi?

Ayubu 29:19

Mana ndakala dza muhi ambao miziye ikafika madzini, na pandaze zina manena usiku wosi.

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

2 Samueli 1:21

Mwino myango ya Giliboa, dzulu yenu kusikalepho manena wala mvula, wala minda ivyalayo chitu. Mana kuko ngao za masujaa zatiywa najisi, ngao ya Sauli, taindapakpwa mafuha tsona.

Kumbukumbu 33:28

Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.

Kumbukumbu 33:13

Kuhusu mbari ya Yusufu achiamba, “Mwenyezi Mlungu ajaliye tsiiye, kpwa baraka nono kabisa kula dzulu mlunguni na manena, na kpwa madzi galago tsini.

Mwandzo 27:39

Ndipho ise achimuamba, “Makalogo gandakala kure na minda yenye rutuba, kusikogbwa manena kula mlunguni.

Mwandzo 27:28

Mlungu akuphe mvula nyinji na minda ya rutuba ili uphahe mavuno manji na uchi munji.

Ayubu 36:27

Mana iye nkuvuta dzulu matone ga madzi, na kula kpwa guro, mvula ikanya.

Ayubu 36:28

Nkuhenda maingu garehe mvula, na ikaapiga atu kpwa unji.