Ayubu 38:26 - Digo Bible

²⁶ Ni ani ariyehenda mvula inye phatu phasiphokala na atu, yani jangbwani kusikokala na mwanadamu,

Ayubu 38:26 Referans Kwoze

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Zaburi 107:35

Nkugaluza jangbwa rikala visima vya madzi, na tsi kavu ikakala na pula za madzi.

Ayubu 36:27

Mana iye nkuvuta dzulu matone ga madzi, na kula kpwa guro, mvula ikanya.

Ayubu 5:10

Iye ndiye ahendaye tsi ikaphaha mvula, na ahendaye madzi gakafika mindani.

Ayubu 28:26

na ariphoikira mvula amuri, na yo njira ya limeme,

Ayubu 37:13

Mlungu nkuhenda higa duniani, ili kutiya atu adabu, au kuonyesa mendzwaye.

Ayubu 38:25

Ni ani ariyetsimba mtaru hewani kpwa ajili ya mvula nyinji, au kutengezera njira limeme?

Zaburi 65:12

Nyasi za kurisira mifugo weruni zinapwipwita, myango nayo i tele raha.

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Jeremia 10:13

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkuhenda limeme wakati wa mvula, na kureha phuto kula kpwenye nyumbaze za kuikira akiba.