Ayubu 38:19 - Digo Bible

¹⁹ Ni iphi yo njira ya ko kusagalako mwanga? Na ko kusagalako jiza nkuphi?

Ayubu 38:19 Referans Kwoze

Ezekieli 32:8

Mianga yosi ya mlunguni ndaitiya jiza, nami ndahenda tsiiyo ikale na jiza, Mwenyezi Mlungu anaamba.

Mathayo 27:45

Kpwakala na jiza tsi ndzima kula saa sita za mutsi hadi saa tisiya.

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Isaya 45:7

Mimi ndiye niumbaye mwanga na jiza, ndimi nirehaye kuongokerwa na mashaka. Mimi, ndimi Mwenyezi Mlungu nigahendaye gaga gosi.

Zaburi 105:28

Wahuma jiza kpwenye yo tsi, ela Amisiri achirema kulunga manenoge.

Zaburi 104:20

Ukuhenda jiza, nako kukakala usiku, na nyama osi a tsakani akatuluka.

Zaburi 18:11

Wahenda jiza rikale hemare chiromzunguluka, maingu maziho ga mvula.

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Johana 8:12

Jesu waenderera kugomba na atu achiamba, “Mimi ni mwanga ungʼarirao atu himu duniani. Mutu ndiyenilunga mimi kandanyendeka jizani kamare, ela andaphaha mwanga uaphao atu uzima.”

Johana 1:9

Hiye mwanga wa kpweli, angʼariraye chila mmwenga, kala aredza duniani.

Jeremia 13:16

Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.

Ayubu 26:10

Iye waika mwisho wa matso dzulu ya uso wa madzi, nao unaonekana dza mviringo uzungulukao dunia, phapho ndipho phenye mphaka wa mwanga na jiza.

Ayubu 38:18

Dze, unamanya upana wa dunia? Aya, gomba ichikala unagamanya gosi higa.

Ayubu 38:20

Dze, unaweza kuviphirika ko kpwao na kumanya zo njira za kuphihira ko vikalako?