Ayubu 37:12 - Digo Bible

¹² Gago nkugaluka kpwa ulongoziwe kutimiza gosi arigogalagiza, dzulu ya dunia yosi.

Ayubu 37:12 Referans Kwoze

Zaburi 148:8

moho na mvula ya mawe, barafu na maingu phuto ritimizaro shariyaye!

Maono 11:6

Hara mashaidi airi ana uwezo wa kuzuwiya mvula isinye wakati anatabiri. Na wakati wowosi ndiotaka, anaweza kugaluza madzi kukala mlatso na kureha mashaka ga aina yoyosi himu duniani.

Amosi 4:7

“Chisha nchizuwiya mvula isinye kpwenu wakati kala bado miezi mihahu mguwe. Náhenda mvula inye mudzi mmwenga, na kuhenda mvula isinye mudzi wanjina. Munda mmwenga uphahe mvula na nyo munda ambao tauyaphaha mvula unyale.

Joeli 2:23

Hererwani mwi atu a Sayuni, pigani njerejere na muhamirwe ni Mwenyezi Mlungu, Mlungu wenu. Iye akakuonyesani mbazize kpwa kukureherani mvula ya vuri kpwa chipimo cha haki na ya mwaka dza irivyokala hangu mwandzo.

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Zaburi 104:24

Ee Mwenyezi Mlungu, ukahenda mambo manji sana! Wagahenda gosi kpwa ikima, dunia ikaodzala viumbevyo!

Ayubu 36:32

Iye nkugbwiririra limeme mwakpwe mikononi, na kurihuma kura alondako.

Ayubu 37:3

Nkurichira limeme tsini ya mlunguni kosi, na kurihuma hata mwisho wa dunia.

Zaburi 147:15

Iye nkulavya malagizoge duniani na nenore nkukamilisha kaziye, mara mwenga.

Isaya 14:21

Atu naatayarishe chitsindziro cha kuolagira ana alume a mfalume kpwa sababu ya makosa ga akare ao. Hinya taafwaha kuhala tsi na kudzenga midzi himu duniani.”

Isaya 27:6

Siku zedzazo Jakobo andahenda mizi, Iziraeli kutsephula na indabumula maruwa na kuiodzaza matunda dunia yosi.