Ayubu 36:16 - Digo Bible

¹⁶ Mlungu wakutuluza tabuni achikulongoza phatu wazi, phasipho shida, na kuodzaza mezayo na vyakurya vinono-vinono.

Ayubu 36:16 Referans Kwoze

Zaburi 23:5

Unaniandazira karamu kuno maadui gangu ganalola. Ukanimwagira mafuha phangu chitswani ili kuniishimu, na kuodzaza chikombe changu hadi chinafurika.

Zaburi 118:5

Kahi ya tabu zangu namuiha Mwenyezi Mlungu, naye achinijibu kpwa kuniika huru.

Isaya 25:6

Na kahi za mwango uhu Mwenyezi Mlungu, Mlungu wa majeshi andagahendera karamu mataifa gosi, karamu ya vyakurya vinono-vinono, nyama za kunona na uchi mufu wa zabibu.

Zaburi 63:5

Roho yangu nkurya na ikamvuniswa, nami nkuimba mawira ga raha kukutogola.

Zaburi 31:8

Uwe kunitiire mikononi mwa maadui gangu ela ukaniika phatu phapana.

Zaburi 18:19

Achinituluza achiniphirika phatu pharipho na nafwasi, achinitivya kpwa kukala kala ninamhamira.

Zaburi 36:8

Ukuamvunisa na unji wa vitu vya mwako nyumbani na kuanwesa kula muho wa manono urigo nago.

Hosea 2:14

Kpwa hivyo nalonda nimchenge-chenge nimphirike hadi weruni nikabishe naye maneno ga kumuhuriza moyo.

Isaya 55:2

Kpwa utu wani munahumira pesa zenu kpwa mambo ambago si chakurya? Na kpwa utu wani munadzishuulisha na vitu visivyomvunisa? Niphundzani mimi na murye vitu vinono, na mdzifurahishe na vya kunona.

Ayubu 19:8

Iye akayiikira sandzu njira yangu ili nisiweze kutsupa, na kuhenda njira zangu zikale jiza.

Ayubu 5:17

Lola, waajaliwa iye atiywaye adabu ni Mlungu, kpwa hivyo usireme kutiywa adabu ni ye Mwenye Nguvu Zosi.

Ayubu 15:11

Dze, ko kuhurizwa uhurizwako ni Mlungu ni kudide? Au ko kukala anagomba nawe kpwa upore takutosha?

Zaburi 18:20

Mwenyezi Mlungu wanihendera sawa-sawa na haki yangu, waniripha sawa-sawa na uswafi wa mikono yangu.

Zaburi 63:6

Ninaphodziambalaza phangu litsagani nkukutambukira, usiku wosi nkukuririkana,