Ayubu 35:14 - Digo Bible

¹⁴ Andakujibu viphi ichikala unaamba kumuona, na lauro ri mbereze nawe unamgodzera!

Ayubu 35:14 Referans Kwoze

Ayubu 9:11

Iye nkutsapa phephi nami, ela mino simuona, chisha nkuphiya vyakpwe bila ya mimi kumanya.

Isaya 54:17

Chila silaha ndiyotengezwa kukupigira, taindafwanikiwa, na chila mutu ndiyeunuka kukushitaki, undamuamula. Uhu ndio urisi wa atumishi a Mwenyezi Mlungu na haki yao ilayo kpwangu,” Mwenyezi Mlungu anaamba.

Isaya 50:10

Ni ani kahi yenu amuogophaye Mwenyezi Mlungu, na kulunga kauli ya mtumishiwe? Ni iye anyendekaye jizani kusiko mwanga, kuno anamkuluphira Mwenyezi Mlungu na kuadamira Mlunguwe.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Zaburi 97:2

Maingu na chilungulungu cha jiza chikamzunguluka Msingi wa utawalawe ni haki na uamuli wa haki.

Zaburi 62:8

Mwi atu, mkuluphireni Mlungu wakati wosi, muambireni gosi garigo mwenu mioyoni. Mlungu ndiye chimbiriro rehu.

Zaburi 62:5

Nkahurira namgodzera Mlungu bahi mana ndiye kuluphiro rangu.

Ayubu 23:3

Ningemanya Mlungu aphahikanapho, ningephiya pho asagalapho!

Ayubu 19:7

Dzagbwe nakota kululu, ‘Nkahenderwa fujo!’ ela taphana anijibuye, dzagbwe nakota kululu niterywe, ela taphana haki bii.

Ayubu 9:19

Ichikala ni kushindana nguvu, mino simuweza bii! Na ichikala ni mambo ga uamuli, ni ani awezaye kumreha kotini?

Ayubu 31:35

Kalapho phangekala mutu wa kuniphundza! (Naweza kutiya saini kpwa chila neno nrirogomba!) Ye Mwenye Nguvu Zosi naanijibu mashitaka anagonilavira gangeandikpwa.

Ayubu 35:15

Mwimwi munaamba iye tsukizize tazitiya adabu, na kajali sana uyi.

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Sonono za Jeremia 3:58

Ee Mwenyezi Mlungu, uwe wahehera lau rangu, uwe wativya maisha gangu.