Ayubu 35:10 - Digo Bible

¹⁰ Ela taphana aambaye, ‘Akuphi ye Mlungu muumba wangu, alavyaye mawira wakati wa usiku,

Ayubu 35:10 Referans Kwoze

Zaburi 42:8

Mutsi Mwenyezi Mlungu nkulagiza mendzwaye, na usiku wirawe u phamwenga nami voyo kpwa Mlungu aniphaye uzima.

Mahendo 16:25

Iriphofika saa sita za usiku, Paulo na Sila kala anavoya Mlungu na kumuimbira, mabusu ganjina kala ganaphundza.

Zaburi 149:5

Hinyo aaminifu naakale na raha kpwa sababu ya unonowe, naaimbe kpwa kufwahirwa mwao vitandani.

Zaburi 77:6

Usiku nátambukira mawira gangu náririkana na moyo wangu nchidziuza:

Isaya 51:13

Kpwa utu wani mumyale Mwenyezi Mlungu, ariyekuumbani, ariyetandaza ko mlunguni na achiika misingi ya dunia? Kpwa utu wani muishi kpwa wuoga chila siku kpwa sababu ya tsukizi za iye anayekuonerani, wakati anapanga kukuolagani? Dze, zo tsukizize vino ziphaphi?

1 Petero 4:19

Kpwa hivyo anaoteswa kpwa sababu Mlungu waapangira hivyo, naaenderere kuhenda manono na amkuluphire Mlungu, muumba wao ambaye achiika ahadi andaihenda.

Isaya 54:5

Kpwa kukala muumbao ndiye mlumeo, Mwenyezi Mlungu, Mlungu wa majeshi ndiro dzinare, Mtakatifu wa Iziraeli ndiye mkombolio, iye ndiye Mlungu wa dunia yosi.

Muhubiri 12:1

Mtambukire muumbao wakati uchere barobaro kabila ya siku za tabu tazidzangbwekpwedza, ndiphotambukira kukala takuna wakati tsona wa kudziburudisha.

Ayubu 36:13

Asiomuogopha Mlungu nkukala na tsukizi mwao mioyoni, hata aafungapho, taarira kulonda msada.

Isaya 8:21

andadengereka tsi yosi na tabu na ndzala, ndiphokala anahirika andatsukirwa hadi amlani mfalume wao na milungu yao. Chisha andaendza msada kula mlunguni,

Zaburi 119:62

Usiku wa manane nalamuka na kukushukuru, kpwa sababu ya malagizogo ga haki.

Ayubu 36:3

Marifwa gangu ndagalavya kula kure, na kuonyesa kukala muumba wangu ni wa haki.

Ayubu 32:22

Mana simanya kubembeleza, la sivyo ariyeniumba anaweza kuniangamiza mara mwenga.

Ayubu 27:10

Dze, andahamirwa ni iye Mwenye Nguvu Zosi? Dze, andamuiha Mlungu wakati wosi?

Ayubu 4:17

‘Mwanadamu anaweza kukala na haki mbere za Mlungu? Mutu anaweza kukala swafi mbere za muumbawe?

Ayubu 8:21

Iye andahenda mromoo uodzale chitseko, na madomogo gapige njerejere.

Ayubu 21:14

Ela nkumuamba Mlungu, ‘Huukire hipha! Tahuna haja ya kumanya njirazo.

Jeremia 2:6

Aho tauzire, ‘Akuphi ye Mwenyezi Mlungu ariyehutuluza kula tsi ya Misiri na kuhulongoza ko nyikani, tsi ya jangbwa na madibwa, tsi kavu yenye chilungulungu cha jiza, tsi isiyotsupirwa ni mutu wala kusagalwa?’

Jeremia 2:8

Alavyadzi-sadaka tauzire, ‘Akuphi ye Mwenyezi Mlungu?’ Ario manyirira shariya taanimanyire tse, na vilongozi aniasi. Manabii alavya unabii kpwa dzina ra Baali na kulunga vitu visivyo na mana.