Ayubu 33:24 - Digo Bible

²⁴ amuonere mbazi na aambe, mtivyeni asitserezwe mbirani, nina maripho ga kumtivira.

Ayubu 33:24 Referans Kwoze

Mathayo 20:28

Vivyo hivyo mimi, Mutu Yela Mlunguni, kedzere kuhumikirwa, ela wakpwedza kuhumikira na alavye uzimawe ukale mzamana wa kukombola atu anji.”

Ayubu 33:18

Mlungu nkuzuwiya roho ya mutu isiinjire kuzimu, maishage gasiangamike kpwa upanga.

1 Timothi 2:6

Naye wadzilavya afwe ili akale mzamana wa kukombola atu osi, na hinyu ni ushaidi wa lengo ra Mlungu ambao watimizwa wakati uriofwaha.

Zakariya 9:11

Kpwa sababu ya chilagane nrichoika namwi mwimwi atu a Sayuni kpwa kumwaga mlatso, nindaaika huru atu enu ariotsamizwa kpwa lazima ambao ni dza afungbwa ndani ya dibwa risirokala na madzi.

Hosea 14:4

Mwenyezi Mlungu anaamba, “Nindaaphoza ko kukosa kpwao uaminifu, nindaamendza bila aho kunihendera utu. Mana sindaatsukirirwa tsona.

Ayubu 22:21

Kubaliana na Mlungu, ili ukale na amani, kpwa njira iyo uongokerwe.

Kutsama 33:19

Naye Mlungu achimuamba, “Nindakpwedza kpwako nawe undaona unono wangu. Nindagomba dzina rangu, ‘Mwenyezi Mlungu,’ nawe undasikira. Nkumjaliya na kuonyesa mbazi mutu yeyesi nimlondaye.

Jeremia 31:20

Dze, Efuraimu si mwanangu mlume nimmendzaye? Dze, siye mwanangu ambaye nammendza? Dzagbwe nkugomba chinyumeche, nchere mtambukira. Kpwa hivyo moyo wangu unamuaza iye, kpwa kpweli ndamuonera mbazi, mimi Mwenyezi Mlungu nkaamba.

Zaburi 86:15

Ela uwe, ee Mwenyezi Mlungu, u Mlungu wa huruma na mbazi, kureya upesi na u tele mendzwa isiyosika na uaminifu.

Zaburi 86:13

Mana mendzwayo ni nyinji kpwangu, ukakombola nafsi yangu na kuzimu.

Zaburi 86:5

Mana uwe, ee Mwenyezi Mlungu, u mnono na unaswamehe hinyo akuvoyao unaaonyesa mendzwa isiyosika.

Zaburi 71:3

Kala mwamba na chimbiriro rangu, ngome ya nguvu ya kuniokola mana uwe u mwamba wangu na ngome yangu.

Zaburi 40:2

Wanituluza kpwenye dibwa ra ubanangi, kula kpwenye matope na uherezi achiniimisa dzulu ya mwamba na achiimarisha nyago zangu.

Zaburi 22:4

Akare ehu akukuluphira, akukuluphira, nawe uchiaokola.

Ayubu 36:18

Dzimanyirire sedze ukachengbwa ni utajiri, au chiasi chikulu cha hongo chikakuhenda ugaluke.

Hosea 14:2

Muuyireni Mwenyezi Mlungu, ndzoni mumvoye mumuambe, “Huswamehe dambi zehu zosi. Na uhuphokere kpwa mbazizo ili hukulavire sadaka za togo kpwa kanwa zehu.

Ayubu 33:25

Hipho mwiriwe undakala dza wa barobaro, andaweza kuuyiza nguvuze za uvulanani.

Ayubu 33:28

Mlungu wativya roho yangu isitserezwe mbirani, nami nindakala moyo nione mwanga.’

Zaburi 107:20

Wahuma nenore richiaphoza, na achiakombola asiangamike.

Isaya 53:5

Ela walumizwa kpwa sababu ya makosa gehu, achigopholwa-gopholwa kpwa uyi wehu. Hwaphaha amani kpwa kutiywakpwe adabu, na kpwa kupigbwakpwe, swiswi hwaphola.