Ayubu 33:15 - Digo Bible

¹⁵ Mlungu nkugomba na atu kpwenye ndoso na ruwiya usiku, anadamu agbwirwapho ni usingizi wa fungo, wakati arere vitandani mwao,

Ayubu 33:15 Referans Kwoze

Isabu 12:6

Naye achiamba, “Hebu niphundzani: Ichikala kuna nabii kahi yenu, mimi Mwenyezi Mlungu nkudzionyesa kpwakpwe kutsupira ruwiya, na kugomba naye ndosoni.

Ayubu 4:13

Kahi ya go maazo nirigoona usiku, wakati atu arere usingizi wa fungo,

Danieli 4:5

Ela siku mwenga náloha ndoso yoniogofyera; naona ruwiya yoniondosa wakati kala nrere mwangu chitandani.

Mwandzo 31:24

Usiku Mlungu wamwedzera Labani ndosoni, achimuambira, “Dzikanye, usimuambire Jakobo neno rorosi nono au iyi.”

Mwandzo 20:3

Ela Mlungu wagomba na Abimeleki usiku ndosoni, achimuamba, “Undafwa kpwa kuhala mchetu hiyu, mana iye ni mkpwaza mutu.”

Danieli 8:18

Ariphokala acheregomba, nágbwirwa ni usingizi wa fungo kuno nrere chimabumabu. Ela ye achinigbwira achiniimisa.

Jeremia 23:28

Richa ye nabii ariye na ndoso aiseme, ela richa iye ariye na neno rangu arigombe kpwa uaminifu. Dze, wiswa una uhusiano wani na mtsere? Mimi Mwenyezi Mlungu nkaamba.”

Mwandzo 15:12

Dzuwa ririphotsotsomera gamba, Buramu wagbwirwa ni usingizi wa fungo na chilungulungu cha jiza ra kutisha chichimfwinika.

Aeburania 1:1

Hipho kare, Mlungu wabisha na akare ehu kutsupira manabii. Wahenda hivi kano nyinji na kpwa njira tafwauti-tafwauti.

Mathayo 2:12

Nao achikahazwa ndosoni asiuye kpwa Herode, kpwa hivyo achiuya kpwao na njira yanjina.

Mathayo 27:19

Pilato ariphokala asegere chihi cha uamuli, mchewe wahuma ujumbe achiamba, “Usidziinjize katika mambo ga mutu hiye wa haki, mana nkagaya sana ndosoni kpwa sababuye.”

Mwandzo 46:2

Mlungu wagomba na Jakobo usiku ruwiyani, wamuiha, “Jakobo! Jakobo!” Naye achiihika, “Hee!”

Ayubu 4:12

Phahi naambirwa neno chisiri-siri, sikiro rangu richisikira neno rogombwa pokopoko.

Danieli 2:1

Mwaka wa phiri wa utawalawe, Nebukadineza waloha ndoso yomuhenda ayugike mwakpwe moyoni hadi achikosa usingizi.

Danieli 2:19

Ndipho Danieli achifwenurirwa mana ya yo ndoso usiku kpwenye maono. Naye achimshukuru Mlungu wa mlunguni