Ayubu 30:1 - Digo Bible

¹ Ela vivi ananibera, aho ambao ni adide angu, atu ambao ise zao náaona taafwaha hata kuimirira madiya garindago chaa changu.

Ayubu 30:1 Referans Kwoze

Ayubu 12:4

Mimi kala nchimvoya Mlungu ananijibu ela nkakala chitseko cha atu, ananitseka dzagbwe ni wa haki bila ya lawama.

Luka 23:35

Atu aima hipho kumrorera, kuno vilongozi a Chiyahudi anamnyetera, anaamba, “Waokola ayae, phahi naadziokole mwenye ichikala kpweli ndiye Muokoli, Yetsambulwa ni Mlungu!”

Zaburi 69:12

Atu achisagala achibisha ananihadza mimi, anwadzi uchi nao anatunga mawira kuniimba mimi.

2 Afalume 2:23

Elisha wauka Jeriko, achiphiya Betheli. Ariphokala a njirani, barobaro anjina kula kpwenye mudzi, aandza kumzemerera achiamba, “Phiya vyako, we wa lilazi!”

Tito 1:12

Hata nabii wao mmwenga waamba, “Akirete siku zosi nkugomba handzo, ni dza nyama abaya, avivu amendzao kurya.”

Mahendo 17:5

Ela vilongozi a Chiyahudi aaonera chidzitso na achitsola-tsola atu ayi barabarani na achiakusanya ili ahende fujo mudzi mzima. Akpwendazunguluka nyumba ya Jasoni kuendza Paulo na Sila aagbwire na aarehe mbere za atu.

Luka 23:39

Mmwenga wa hara akora okala akakotwa phara msalabani wamlaphiza Jesu, achimuamba, “Avi we ndiwe Masihi? Phahi, dziokole na uhuokole naswi piya!”

Luka 23:18

Ela atu osi achipiga kululu chivyamwenga achiamba, “Naaolagbwe hiye! Huvugurire Baraba!”

Luka 23:14

achiaambira, “Mkamreha kpwangu kpwedzamshitaki kala anaangamiza atu na mafundzoge. Ela phundzani, nkamuuza maswali kuhusu higo mashitaka mbere zenu, na sikaona makosage, kama muambavyo.

Mariko 14:65

Phahi anjina aandza kumtehera mahe, achimfunga chigungu, achimuudula makonde kuno anamuuza, “Huambire ni ani achiyekupiga.” Nao arindzi amuhala na achimuwanga makofi.

Isaya 3:5

Atu andaonerana, mutu andaonera myawe, jirani andaonera jiraniwe. Anache andadzikarya mbere za avyere, mutu wa hali ya photsi andadzikudula mbere za mutu anayeishimiwa.

Ayubu 30:2

Mino kala ndaphahani mwao mikononi, atu ambao mikotse yao kala ikaasirira?

Zaburi 119:51

Atu a kudzikarya ananibera, ela siricha kulunga shariyazo.