22 Aho nkuhererwa sana afwapho na kuzikpwa.
Aho nkuaza kufwa, ela taafwa, nkuendza chifo kuriko hazina yofwitsika.
Kpwadze kumngʼazira mutu ambaye njiraye yafwitswa, yefungirwa lichigo ni Mlungu?
Atu anji nkuphiya ko mbirani, anjina nkutanguliya jeneza, anjina nkurilunga nyuma na yo mitsanga ya mbira nkumuhamira.
Kokosi ndikotsamula atu ndiosala a taifa riri dzii, andaaza kufwa kuriko kuishi, mimi Mwenyezi Mlungu, Mlungu wa majeshi anaamba.
Kalapho mavoyo gangu gangekubaliwa, na Mlungu angenipha nilondago,
Phahi angeniphoza marenda, ningehererwa kahi ya yo hali ya maumivu mana sikarema go maneno ga ye ariye mtakatifu.
hata naona baha nifungbwe lugbwe, nifwe kuriko kuku kugaya.
Ela matso ga atu ayi gandafunga jiza, na njira zosi za kuchimbirira taandaziona, nao andaona baha afwe.”
Nami nchiona kukala baha atu ariofwa kare kuriko atu ario moyo.
Ela zaidi, baha aho ambao taadzangbwevyalwa, mana taadzangbweona mai gahendekago phapha tsini ya dzuwa.
