25 Ariphohenda phuto rihende nguvu, na kugapima go madzi,
Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.
Ni ani ariyepima madzi na fumbare, na kupima ko mlunguni na mikonoye? Ni ani ariyetiya vumbi ra dunia kpwenye pishi, au kuipima myango kpwa kuhumira ratili, na vidzango kpwa kuhumira mizani?
Anaphogbwira mvula, tsi nkuuma, achiirichira, tsi nkuodzala madzi.
Au ni ani ariyefungira bahari na miryango, wakati bahari iriphofurika kpwa nguvu dzulu ya tsi?
Dze, unamanya vira Mlungu aamuruvyo maingu, na kuhenda limemere ringʼale?
Kala u kuphi nriphoika msingi wa dunia? Haya niambira ichikala unaelewa.
Ni ani ariyeika vipimovye? Kpwa kpweli uwe unamanya! Au ni ani ariyegolosa mkpwowa wa kupimira, achiupima?
